नवलपुर
इन्द्रावती गाउँपालिकामा पालिका स्तरीय ‘डिजिटल हाजिरी जवाफ प्रतियोगिता’ कार्यक्रम सम्पन्न भएको छ । गाउँपालिकाको शिक्षा, युवा तथा खेलकुद शाखाको आयोजनामा डिजिटल हाजिरी जवाफ प्रतियोगिता सम्पन्न गरेको हो ।
गाउँपालिका भित्रका १२ वटा माध्यमिक विद्यालय सहभागी भएको प्रतियोगितामा नवलपुर माध्यमिक विद्यालय प्रथम भएको छ । त्यस्तै कमलादेवी माध्यमिक विद्यालय द्वितीय भएको छ भने एसेलुखर्क माध्यमिक विद्यालय तृतीय भएको छ ।
गाउँपालिकाका अध्यक्ष झम्क नेपाल, प्रमुख प्रशासकीय अधिकृत रामप्रसाद शर्मा, गाउँपालिकाका प्रवक्ता शशिनाथ आचार्य लगायतको उपस्थितीमा प्रतियोगिता सम्पन्न भएको हो । उपस्थित अतिथीहरुले विजेता विद्यार्थीहरूलाई पुरस्कार वितरण गर्नुभएको थियो ।

त्यस्तै मातृ तथा वाल स्वास्थ्य सेवा समन्वयका लागि मोवाईल स्वास्थ्य कार्यक्रम सम्पन्न भएको छ । सुरक्षित मातृत्व तथा बाल स्वास्थ्य कार्यक्रम संचालनको लागि मेडिक मोवाईल नामक संस्था र इन्द्रावती गाउँपालिका स्वास्थ्य शाखाको संयोजनमा आज गाउँपालिकामा कार्यक्रम सम्पन्न भएको हो । कार्यक्रम गाउपालिकाका अध्यक्ष झम्क नेपालको अध्यक्षतामा सम्पन्न भएको गाउपालिका अध्यक्षको सचिवालयले जनाएको छ ।

त्यस्तै गाउँपालिकामा फरक क्षमता भएका नागरिकहरुको हितको लागि पालिका स्तरीय अपाङ्गता समन्वय समितिको बैठक पनि सम्पन्न भएको छ । गाउँपालिका उपाध्यक्ष सोभना तामाङको संयोजकत्वमा, पालिका अध्यक्ष झम्क नेपाल, प्रमुख प्रशासकीय अधिकृत राम प्रसाद शर्मा र इलाका प्रहरी कार्यलय नवलपुरका इन्चार्ज लगायत सरोकारवाला ब्यक्तिहरुको उपस्थितिमा बैठक सम्पन्न भएको गाउँपालिकाले जनाएको छ ।
