नेपाली कांग्रेस सुनकोशी गाँउ कायैसमीतीले सुनकोशी गाँउपालीकालाई ध्यानाकर्षण गराएको छ । करार कर्मचारी, शिक्षक र विद्यालय कर्मचारीलाई पुनर्वाहाली गर्न सुनकोशी कांग्रेसले माग गरेको छ । नेपाली कांग्रेस सुनकोशी गाँउपालकाका सभापती रुपकाजी लामाद्धारा हस्ताक्षरीत विज्ञप्ती मार्फत गाँउपालीकालाई ध्यानाकर्षण गराईएको छ ।
“सिन्धुपाल्चोक जिल्ला सुनकोशी गाउँपालिकाद्वारा प्रकाशित मिति २०७९÷०३÷३२ को सूचना अनुसार गाउँसभाबाट वार्षिक वजेट स्वीकृत नभएको कारण देखाएर गाउँपालिका स्रोतका सम्पुर्ण करार कर्मचारी तथा शिक्षकहरुलाई अर्को सुचना नआए सम्मको लागि हाजिरी नगराउनु भन्ने निर्देशन दिइएकोमा २०७२÷०४÷१८५ बाट सामुदायिक विद्यालयका शिक्षक तथा कर्मचारी वाहेकका गाउँपालिका स्रोतका अन्य क्षेत्रका कर्मचारीहरुलाई साबिकको काममा निरन्तरता दिइएकोमा सामुदायिक विद्यालयमा कार्यरत करार शिक्षक तथा कर्मचारीहरुलाई विभिन्न बाहाना तथा राजनैनिक पुर्वाग्रह राखी अहिलेसम्म विद्यालयमा हाजिर नगराउँदा लोकतान्त्रिक शासन व्यवस्थामा सबैको समान अबसर र हकअधिकार सुनिश्चित हुनुपर्नेमा शिक्षक कर्मचारीलाई सेवावाट हटाउन खोज्नु समाजिक एवं शैक्षिक न्याय विरुद्धमा रहेको तथा आम नागरीकका छोराछारीहरु अध्ययन गर्ने सामुदायिक विद्यालयहरुमा जनशक्तीको अपुग भई पठनपाठन प्रभावित भइरहेको सर्वत्र गुनासो आइरहेको यथार्थता प्रती स्थानिय सरकार सुनकोशी गाउँपालिकाको गम्भीर ध्यानाकर्षण गराउँदछौँ । विद्यार्थी देशका कर्णधार हुन तसर्थ उनिहरुको भविस्यमाथी खेलवाड नगर्न नेपाली कांग्रेस सुनकोशी गाउँपालिका चेतावनी दिदै यथासिगघ्र करार कर्मचारी, शिक्षक र विद्यालय कर्मचारीलाई पुनर्वाहाली गर्न जोडदार माग गर्दछौं”। विज्ञप्तीमा भनीएको छ ।
