आर्थिक बर्ष २०८१/०८२ काे बजेट, नीति तथा कार्यक्रम माथि सुझाव संकलन एवं वार्षिक याेजना तर्जुमा गाेष्ठी मेलम्चीमा सुरू भएकाे छ ।
मेलम्ची नगरपालिकाकाे आयाेजनामा साे गाेष्ठी गरिएकाे हाे । २ दिने गाेष्ठी अन्तर्गत बुधवार पहिलाे दिनमा नगरपालिकामा क्रियाशील संघ संस्थाका प्रतिनिधिहरूले प्रतिवेदन प्रस्तुत गरेका थिए ।
महिला आत्मनिर्भरता केन्द्र, सामुदायिक बिकास तथा वातावरण संरक्षण मञ्च, रिड नेपाल, फ्रेण्ड्स अफ हिमालयन चिल्ड्रेन, RHEST नेपाल र टुकीसंघ सुनकाेशी प्रतिनिधिले आगामी बजेट, नीति तथा कार्यक्रम प्रस्तुत गरेका थिए ।
नगरभित्र सक्रिय रहेका संघ संस्थाहरू बाट सुझाव संकलन र प्रगती प्रतिवेदन पेश गरिएकाे थियाे । साथै संस्थाकाे आगामी नीति तथा बजेट समेत प्रस्तुत गरिएकाे थियाे ।
नगरपालिकाका प्रमुख आइतमान तामाङले प्राप्त सुझाव माथी भनाई राख्दै संघ संस्थाले गरेका कामकाे प्रशंसा गर्नुभयाे । साथी आगामी दिनमा संघ संस्था संग समन्वय गरि अघि बढ्न तयार रहेकाे जानकारी दिनुभयाे । नगरपालिका आगामी दिनमा के कस्ता नीति कार्यक्रम गरि अघि बढ्ने भन्ने विषयमा बिहिवार ३१ गते बृहत् छलफल गरिने प्रमुख तामाङकाे भनाई छ ।
कार्यक्रममा नगरभित्र सक्रिय ६ वटा संस्थाले आगामी याेजना, बजेट तथा कार्यक्रम प्रस्तुत गरेका थिए । संघ संस्थाले प्रस्तुत गरेका याेजना तथा कार्यक्रमलाई नगरपालिकाले सकारात्मक रूपमा लिएकाे राजस्व शाखा प्रमुख राजेन्द्र दुलालले बताउनुभयाे ।
त्यस्तै नगर उपप्रमुख उमा प्रधानले संमृद्व नगरपालिका निर्माणमा संघ संस्थाले हातेमालाे गरेकाेमा धन्यवाद व्यक्त गर्नुभयाे ।
मेलम्ची नगरपालिकाका प्रमुख आइतमान तामाङकाे अध्यक्षतामा भएकाे कार्यक्रममा नगर उपप्रमुख उमा प्रधान, प्रमुख प्रशासकीय अधिकृत अशाेक कुमार भट्टराई, संघ संस्था प्रतिनिधि, नगरपालिकाका कर्मचारी, पत्रकार लगायतकाे उपस्थिति रहेकाे थियाे ।
