रिड नेपाल द्वारा सन २०२४ देखि २०२६ सम्म मेलम्ची नगरपालिका विभिन्न वडामा सञ्चालन हुने जलवायु उत्थानशिल परियाेजनाकाे द्राेश्राे फेजकाे कार्यक्रमकाे प्रस्तावित कृयाकलापहरू सार्वजनिकरण तथा योजना बारे छलफल गरेको छ ।
कार्यक्रममा रिड नेपालका अनुगमन तथा मुल्यांकन प्रबन्धक उपेन्द्रराज जोसीले विगतका दिनमा संस्थाले गरेका काम र दोस्रो फेजमा गर्ने कामको बारेमा जानकारी गराउनुभयो । विपद प्रभावित क्षेत्र ,जनजाति,अति विपन्न समुदाय,विद्यालय,सामुदायिक वन,बाल क्लब लगायतका क्षेत्रमा संस्थाले काम गरिरहेको छ ।
विगतमा भएकाे कार्यक्रमकाे सामाजिक परिक्षण गर्नुका साथै कार्यक्रमकाे समिक्षा र पृष्ठपाेषण समेत गरिएको थियो ।
कार्यक्रममा नगरप्रमुख आइतमान तामाङले नगरले गर्नुपर्ने जलवायु उत्थानशीलको काम सामाजिक संस्थाले गरेर स्थानीय सरकारलाई सहयोग पुर्याएकोमा धन्यवाद व्यक्त गर्नुभयो । उहाँले विपद जोखिम न्यूनीकरण र जिविको पार्जनकाका लागी ग्रामिण शिक्षा तथा वातावरण विकास केन्द्र (रिड) नेपालले संचालन गर्न लागेको मेलम्ची जलवायु उत्थानशील परियोजनाको सरोकारवालाहरु संगको बैठकमा वडा तथा कार्यक्रम छनोट गर्दा स्थानीय तहसंग समन्वय हुनुपर्ने बताउनुभयो । जनजातिको बाहुल्यता रहेको वडा नम्बर ३ हैबुङ,वडा नम्बर ४ र दलितका क्षेत्रमा वडा नम्बर ५ मा यस्ता कार्यक्रमको आवश्यकता रहेको उहाँले बताउनुभयो । त्यस्तै संस्थाका जोसीले नगरपालिका संग छलफल गरेर मात्र काम गर्ने वडा र कार्यक्रमको निर्धारण गर्ने प्रतिबद्धता जनाउनुभयो ।
कार्यक्रममा मेलम्ची नगरपालिका नगर प्रमुख आइतमान तामाङ, उपप्रमुख उमा प्रधान,प्रमुख प्रशासकीय अधिकृत अशोककुमार भट्टराई,वडाअध्यक्षहरू,शाखा प्रमुख,विद्यालयका प्रधानाध्यापकहरू,संस्थाका प्रतिनिधिहरू लगायतकाे उपस्थिति रहेको थियो ।
