मेलम्ची -११ डडुवामा डडुवा पुछारटोल बहु -आयमिक सामुदायिक भवन शिलान्यास गरिएको छ । आज मेलम्ची नगरपालिकाका उपप्रमुख श्री उमा प्रधानज्यु र वडा अध्यक्ष श्री चन्द्रबहादुर तामाङज्युलेभवनको शिलान्यास गर्नुभएकाे छ । एक तल्ले भवन असार १५ सम्म सम्पन्न गरिने भवन निर्माण संचालन समितिका अध्यक्ष कालू तामाङले जानकारी दिनुभयो । मेलम्ची नगरपालिकाको ५० लाख बजेटमा उक्त सामुदायिक भवन निर्माण गर्न लागिएको हो ।
कार्यक्रममा उप प्रमुख उमा प्रधानज्युले हरेक वडामा नगरपालिकाले बहु- आयमिक सामुदायिक भवन निर्माण गर्ने लक्ष्य लिएको र धेरैमा निर्माण भै रहेको र केही सम्पन्न भएको बताउनुभयो ।
वडा अध्यक्ष तामाङलेज्युले सामुदायिक भवन बनेपछि स्थानियलाई सहज हुने बिश्ववास ब्यक्त गर्नुभयो । भवनबाट ५४ घरधुरी लाभान्वित हुने स्थानीय योङ लामाले जानकारी दिनुभयो ।
कार्यक्रममा पुर्व वडा अध्यक्ष रुद्रप्रसाद दुलाल, कार्यपालिका सदस्य दिनेश घले, वडा सदस्यहरु रेवतीरमण दुलाल, प्रतिमा धिताल लगायतको उपस्थिति रहेको थियो ।
त्यस्तै आजै मेलम्ची -११ कटुन्जे मानेडांडामा छ्योर्तेन माने समेत शिलान्यास गरिएको छ ।
