रेडियो मिसन ।
पाँचपोखरी टी–२० जिल्लास्तरीय क्रिकेट प्रतियोगिताको छैटौँ संस्करण आजबाट सुरु भएको छ । प्रतियोगिता अन्तर्गत आज भएको खेलमा ह्योल्मो ११ र पाँचपोखरी क्रिकेट क्लब बिजयी भएका छन् । आज भएको पहिलो खेलमा चौतारा सँगचोकगढी नगरपालिकालाई १२७ रनको फराकिलो अन्तरले हराउँदै ह्योल्मो एघारले विजय सुरुवात गरेको छ । टस हारेर ब्याटिङको निम्तो पाएको ह्योल्मो ११ ले निर्धारित ओभरमा ४ वीकेट गुमाएर १६५ रन बनाएपछि १६६ रनको बिजयी लक्ष्य सहित मैदान ओर्लिएको चौतारा ३८ रनमा अलाउट भएपछि ह्योल्मो एघार १२७ रनको फराकिलो अन्तरले विजयी भएको हो ।
त्यस्तै दोस्रो खेलमा इन्द्रावती गाउँपालिकालाई पाँचपोखरी क्रिकेट क्लबले ४ वीकेटले हराएको छ । इन्द्रावती गाउँपालिकाले ९५ रनको लक्ष्य दिएपछि जवाफी ब्याटिङमा उत्रिएको पाँचपोखरी क्रिकेट क्लबले १८ ओभर २ बलमा ६ वीकेट गुमाएर ९७ रन बनाएपछि ४ वीकेटको जित हात पार्न सफल भएको हो ।
उद्घाटन खेलमा जनप्रतिनिधिको टिम बिजयी भएको छ । कर्मचारी र जनप्रतिनिधि बिच भएको रोमान्चक खेलमा कर्मचारीलाई जनप्रतिनिधिले हराएको हो । ४५ रनको लक्ष पछ्याएको जनप्रतिनिधिले ४ रनले जित हासिल गरेको थियो ।
