रेडियो मिसन, नवलपुर
शैक्षिक गुणस्तर अभिवृद्धि हुनुपर्छ भनेर वडाले शैक्षिक कार्यक्रमलाई निरन्तरता दिएको इन्द्रावती गाउँपालिका वडा नं ४ का अध्यक्ष क्षेत्र बहादुर तामाङले बताउनुभएकाे छ ।
श्री नवलपुर माध्यमिक विद्यालयको ७५ औँ वार्षिकोत्सव तथा अभिभावक भेलामा मन्तव्य राख्दै वडा अध्यक्ष तामाङले भने ‘शैक्षिक गुणस्तर अभिवृद्धि हुनुपर्छ भनेर वडाले शैक्षिक कार्यक्रमहरू गरिरहेको बताउनुभयो । नवलपुर माविलाई उच्च प्राथमिकतामा राखेको छ’ ।
नवलपुर माविमा खेलमैदान व्यवस्थित गर्न जरूरी रहेको र साे काे लागि वडाले पहल गर्ने उहाँले बताउनुभयो । आफू वडा अध्यक्षमा निर्वाचित भएपश्चात विद्यालयको भौतिक संरचनाको काम अघि बढेको उहाँले बताउनुभयो ।
नवलपुर माविको घेराबारकाे लागि बजेट बिनियोजन गरिदिएकोमा प्रदेश सरकारलाई तामाङले धन्यवाद दिनुभयाे । प्राविधिक शिक्षाको ब्यवस्था गर्न सकमा विद्यार्थीको भविष्य राम्रो हुने उहाँकाे भनाई छ ।
‘विद्यार्थी संख्या घटेको छ, सबै सरकार मिलेर शिक्षामा काम गर्न सकेमा विद्यार्थी संख्या बढ्ने छ’, उहाँले भन्नुभयो ‘यहाँ रोजगारी सृजना गर्न सकेमा विद्यार्थीको संख्या बढ्ने छ’ । शैक्षिक गुणस्तर वृद्धि गर्नको लागि कार्यपालिका मार्फत छलफल गरेर योजना बनाउने उनले प्रतिवद्धता व्यक्त गर्नुभयाे ।
