हामी एक अर्काकाे चाडपर्व सहजै स्विकार गर्छाैं : अध्यक्ष शेर्पा 

* # समाचार समाज सिन्धुपाल्चोक

रेडियो मिसन, हेलम्बु

हेलम्बु गाउँपालिकाका अध्यक्ष निमा ग्याल्जेन शेर्पाले एक अर्काकाे  चाडपर्वलाई सबैले सहजै स्विकार गर्ने गरेकाे बताउनुभएकाे छ । एक अर्काकाे सम्मान गर्न सकेमा मात्र राष्ट्र र राष्ट्रियता बलियाे हुने अध्यक्ष शेर्पाले बताउनुभयाे । 

न्यु राईजिङ युवाद्वार आयोजित हेलम्बु गाउँपालिकाको सहयोग र नेपाल तामाङ घेदुङ हेलम्बु गाउँपालिकाको समन्वयमा आयाेजित पाँचौ हेलम्बु खुल्ला फुटबल प्रतियोगिता तथा सोनाम ल्होछार सास्कृतिक कार्यक्रमकाे समापन समाराेहमा उहाँले साे कुरा बताउनुभएकाे हाे । 

नेताकाे भाषण सुन्ने मान्छे कम हुँदै गएकाे गाउँपालिका अध्यक्ष शेर्पाले बतायनुभयाे । नेताले बाेलेकाे कुरा पूरा गर्न नसक्दा याे अवस्था आएकाे उहाँले साे कुरा बताउनुभएकाे छ । 

आफ्नाे धर्म, भाषा, संस्कार र संस्कृति जहाँ गएपनि भूल्न नहुने अध्यक्ष शेर्पाकाे भनाई थियाे । अब विद्यालयहरूले संस्कृत र सम्भाेटाकाे अध्यापन सुरू गर्नुपर्नेमा उहाँले जाेड दिनुभयाे । यदि अब पनि विद्यालयहरूमा संस्कृत तथा सम्भाेटा अध्यापन गराउन नसकेमा भाेलिकाे दिनमा धर्म र संस्कृति मासिँदै जाने अध्यक्ष शेर्पाले बताउनुभयाे । यहि अवस्था रहेमा अबकाे २०/३० बर्षपछि कुनै पनि धर्मको गुरु नपाईने शेर्पाले बताउनुभयाे । 

अबकाे जुन कुनै विधाकाे शिक्षा राज्यले निशुल्क गर्नुपर्नेमा उहाँले जाेड दिनुभयाे । साथै ल्हाेछारकाे अवसरमा सम्पूर्णमा शुभकामना दिनुभएकाे छ । न्यु राईजिङ युवा क्लबले गरेकाे याे काम सराहनीय रहेकाे  उहाँको तर्क थियाे । खेलकुदकाे माध्यमबाट हेलम्बुलाई चिनाउन पनि उहाँले खेलाडीहरूलाई शुभकामना दिनुभएकाे छ । 

Leave a Reply