‘श्रीकृष्ण जन्माष्टमी’को अवसरमा आज इन्द्रावती गाउँपालिका ४ पाडामरुवामा रहेको कृष्ण मन्दिरमा भब्य मेला सम्पन्न भएको छ । सल्लेनी युवा समुहको आयोजनामा मेला भएको संयोजक बिकास श्रेष्ठले जनकारी दिनुभयो ।
भिमटार, पोखरे, सिम्पालकाभ्रे, आँपटार लगायत पालिका भरिका सबैजसो स्थानका भक्तजनहरुले मेला भरेकाछन् । मेलामा करिब दुइ हजार जना सहभागी भएको र सहभागीहरुलाई आयोजकले जुस बितरण गरेको संयोजक श्रेष्ठल जानकारी दिनुभयो ।
मेलको अवसर पारेर स्वास्थ्य शिबिर पनि सम्पन्न भएको छ । माहारुद्र आयुर्बेद हस्पिटल प्राली ललितपुरको प्राबिधिक सहयोगमा भएको शिबिरमा १२४ जनाले स्वास्थ्य परिक्षण गराएको शिबिरका प्राबिधिक संयोजक गोपाल दाहालले जानकारी दिनुभयो ।
शिबिरमा स्वास्थ्य परिक्षण गर्नेहरुमध्ये अधिकांश ढाड तथा कम्मर दुखाईका बिरामीहरु रहेको दाहालले जानकारी दिनुभयो । त्यसपछि छाला सम्बन्धी बिरामी र पायल्स फिसर र फिस्टुलाका बिरामीहरुले स्वास्थ्य परिक्षण गराउनुका साथै उनिहरुलाई बिशेष छुटमा औषधी बितरण गरिएको अस्पतालले जनाएको छ ।
