मेलम्ची ।
मेलम्ची नगरपालिकाको पर्यटकीय स्थल गुफाडाँडा जोड्ने ज्यामिरे— गुफाडाँडा —पर्यटन मार्ग स्तरोन्नतिको बुधबार शिलान्यास गरिएको छ । मेलम्ची नगरपालिकाका प्रमुख आइतमान तामाङले पर्यटन मार्ग अन्तर्गत मेलम्ची १० को जिरो पोइन्टबाट स्तरोन्नतिको शिलान्यास गर्नुभएको हो ।
मेलम्ची नगरपालिकाको २ करोड ५९ लाख रुपैयाको लागतमा गेहेन्द्रलक्ष्मी निर्माण तथा जुगल हिमशिखर जेभीले सडक कालो पत्रे, ढलान लगायतको काम गर्न लागेको हो ।
शिलान्यास कार्यक्रममा वडा नं. ९ र १० का वडाअध्यक्षहरु किरणदिप खड्का र अमृत खनाल तथा वडा नं. १० का पूर्व वडाअध्यक्ष भक्तबहादुर खड्का लगायतको सहभागिता थियो ।
जलवायु सम्मेलन भएको पर्यटकीय क्षेत्र गुफाडाँडा जोड्ने सडकमा संघीय सरकारको ध्यान नपुगेपछि नगरपालिकाको बजेट बाट सडक स्तरोन्नतिको काम गर्न लागेको नगर प्रमुख तामाङले बताउनुभयो । उहाँले संघ तथा प्रदेश सरकारले मेलम्चीको विकासमा ध्यान नदिएको भन्दै चुनावमा गरेको प्रतिवद्धता पुरा गर्न संघ तथा प्रदेश सरकारका प्रतिनिधिलाई आग्रह गर्नुभयो ।
सडक निर्माणको क्रममा गुणस्तर र परिमाणमा ध्यान दिन तामाङले निर्माण व्यवसायीलाई निर्देशन समेत दिनुभयो । वडा नम्बर ९ का अध्यक्ष किरणदिप खड्काले क्रमसः गुफाडांडा सम्म सडक कालोपत्रे तथा ढलान गरिने बताउनुभयो ।
