रेडियो मिसन ।
सिन्धु सोसाइटी अमेरिकाले सिन्धुपाल्चोकका एक आगलागीपीडित बालकलाई १२ कक्षासम्म पढाइदिने जिम्मा लिएको छ ।
सोसाइटीले आगलागीबाट घर जलेर नष्ट भएका लोकबहादुर नेपालीका ८ वर्षीय छोरा आयुष नेपालीलाई १२ कक्षासम्म पढाइदिने जिम्मेवारी लिएको हो ।
सोसाइटीले बाह्रविसे नगरपालिका– ८ का नेपालीलाई बाह्रविसे बजारस्थित चण्डेश्वरी बोर्डिङ स्कुलमा पढाइदिने जिम्मा लिएको हो । सोसाइटीले यसअघि विभिन्न समस्यामा रहेका २२ जना विद्यार्थीलाई पढाइरहेको छ ।
गत मंसिर १८ गते भएको आगलागीमा नेपालीमा घर जलेर नष्ट भएको हो । नेपालीको आर्थिक अवस्था एकदमै कमजोर छ । नेपालीका तीन सन्तान छन् ।
