योङ्ग कम्युनिस्ट लिग (वाईसिएल) इन्द्रावती गाउँपालिकाको दोस्रो सम्मेलन सम्पन्न भएको छ । आज ज्यामिरेमानेमा एक कार्यक्रम आयोजना गरी वाईसिएलले सम्मेलन गरेको हो ।
कार्यक्रमका प्रमुख अतिथि नेकपा माओवादी केन्द्रका पोलिटब्युरो सदस्य एवम् बागमती प्रदेश सरकारका भौतिक योजना तथा पूर्वाधार विकास मन्त्री युवराज दुलालले देशै भरि पार्टी पुनर्गठनको अभियान चलिरहेको बताउनुभयो । यसै अभियान अन्तर्गत वाईसिएल इन्द्रावती गाउँपालिका समिति पुनर्गठन हुन लागेको उहाँले बताउनुभयो । आफूले विकासका लागि गरेको सबै बाचा पुरा गदै आएको पनि उहाँले स्मरण गर्नुभयो । हिजो पनि जनताको लागि काम गरेको र आगामी दिनमा पनि गर्दै जाने मन्त्री दुलाले बताउनुभयो । पार्टी लाई चलायमान बनाइराख्न वाईसिएलको महत्त्वपूर्ण भूमिका रहने उहाँले बताउनुभयो । पार्टी अहिलेको अवस्थाबाट माथि उठ्न युवाहरूको साथ चाहीने पनि उहाँले बताउनुभएको छ ।

आज भएको सम्मेलनले प्रदीप तामाङको अध्यक्षतामा नयाँ कार्यसमिति चयन गरेको छ । नयाँ कार्यसमितिमा उपाध्यक्षमा अनीश सन्जेल, सुरज गोले र सर्व राम दनुवार रहनुभएको छ । सचिवमा प्रकाश दुलाल, सहसचिवमा दीपकुमार बयलकोटी, रमेश नेपाली, सुदर्शन आचार्य र रोशन तामाङ रहनुभएको छ भने कोषाध्यक्षमा उर्मिला थापा (सुन्दास) लगायत १३ जनाको कमिटी बनेको छ ।
साथै कार्यक्रममा विभिन्न पार्टी परित्याग गरी ४० जनाभन्दा बढी नेकपा माओवादीमा प्रवेश गरेका छन् ।

कार्यक्रममा रूपान्तरण कमान्डर उमेश स्थापित, वाईसिएल बागमति प्रदेश कमिटी इन्चार्ज ललित श्रेष्ठ, नेकपा माओवादी जिल्ला अध्यक्ष गोविन्द पराजुलि, नेताहरू नुन बहादुर सापकोटा, चिरञ्जीवी आचार्य , वीरबहादुर तामाङ, मान बहादुर श्रेष्ठ, प्रह्लाद चौलागाई, दिपक न्यौपाने, सुरेन्द्र दनुवार रवीन्द्र कुमार खाती, तिलक रोक्का लगायतको उपस्थितिमा भएको कार्यक्रमको अध्यक्षता प्रदीप तामाङले गर्नुभएको थियो भने एकेन्द्र तामाङले कार्यक्रम सञ्चालन गर्नुभएको थियो ।




