रेडियो मिसन, नवलपुर ।
इन्द्रावती गाँउपालिकाले दुधमा दिइएको अनुदान बापतको रकम सहकारीलाई हस्तान्तरण गरेको छ । आज एक कार्यक्रमको आयोजना गरी दुध उत्पादक किसानले पाउने अनुदान बापतको रकमको चेक सहकारीलाई हस्तान्तरण गरेको हो ।
हस्तान्तरण कार्यक्रममा बोल्दै कार्यक्रमका अध्यक्ष तथा इन्द्रावती गाँउपालिका वडा नम्बर ५ का अध्यक्ष शशिशनाथ आचार्यले पालिकाले दिने प्रतिलिटर ४ रुपैंयाको अनुदान रकम देख्दा सानो देखिए पनि सबै जोड्दा पालिकाले ठुलो मात्रामा बजेट व्यावस्थापन गर्नुपरेको बताउनुभएको छ ।
गत आर्थीक बर्षमा इन्द्रावति गाँउपालिकाले कुल १३ लाख ९२ हजार लिटर दुध सहकारी मार्फत बजारसम्म पु¥याएको पनि उहाँले जानकारी दिनुभयो । साथै पालिकाका किसानले प्रतिलिटर ९० रुपैंयाले हिसाव गर्दा कुल १२ करोड ५२ लाख ८० हजार आम्दानी गरेको पनि उहाँले जानकारी दिनुभयो । पालिकाका केही वडाहरु अझैपनि अनुदानको दायरामा नआएकाले आगामी दिनमा सहकारी मार्फत अनुदानमा आवद्ध हुन पनि आग्रह गर्नुभएको छ । पालिकाले आगामि बर्ष २० लाख लिटर दुध उत्पादन गर्ने लक्ष्य राखेको पनि उहाँले बताउनुभएको छ ।
कार्यक्रममा बोल्दै गाँउपालिकाका प्रमुख प्रसासकीय अधिकृत पुर्ण प्रसाद दुलालले सहकारीहरुले टोलटोलमा गएर सहकारी शिक्षा सञ्चालन गर्नुपर्नेमा जोड दिनुभएको छ । सहकारीहरुले गरेको कामले आफु प्रभावित भएको बताउँदै बेलायतको रसडेलबाट सुरु भएको सहकारी अभियान गाँउ गाँउसम्म पुग्नु खुसिको कुरा भएको उहाँको भनाई थियो । साथै उहाँले सबै सहकारीहरु नितिगत रुपमा प्रष्ट भएर काम गर्नुपर्नेमा उहाँले जोड दिनुभएको छ ।
गाँउपालिका भित्र सक्रिय रुपमा दुध संकलन गररिहेका सहकारीका अध्यक्ष तथा व्यावस्थापकहरुको सहभागितामा भएको कार्यक्रममा गत आर्थीक बर्षको चैत, बैशाख, जेठ र असार गरी कुल १७ लाख ८६ हजार ६० रुपैंया रकम चेक मार्फत हस्तान्तरण गरीएको हो । कार्यक्रममा पालिकाको कृषि शाखा तथा पशु शाखा प्रमुख तथा प्रतिनिधीको सहभागिता रहेको थियो ।
हेर्नुहोस कुन सहकारीले कति रकम पाए :
