सिन्धुपाल्चोकको चौतारा साँगाचोकगढी नगरपालिका– ७ मा रहेको मेलचौर युवा जागरण समाजले तेस्रो मालिकादेवी कप सेभेन ए साईड खुला नकआउट फुटबल प्रतियोगिता गर्ने भएको छ ।
आउँदो असोज २७ गतेदेखि हुने प्रतियोगिताको विजेताले उपाधिसहित नगद १ लाख ११ हजार १ सय ११ रुपैयाँ हात पार्नेछ भने उपविजेताले ६६ हजार ६ सय ६६ रुपैयाँसहित ट्रफी, मेडल र प्रमाणपत्र प्राप्त गर्नेछ । त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि पुरस्कारको व्यवस्था गरिएको आयोजकले जानकारी दीएको छ ।
मेलचौर दरबारडाँडा खेलमैदानमा हुने प्रतियोगिताको यही असोज २४ गतेसम्म टिमदर्ता खुला गरिएको छ । साथै टिमदर्ता शुल्क ५ हजार तोकिएको छ । खेलतालिका भने असोज २६ गते प्रकाशित गरिने पनि आयोजकले जानाएकाे छ ।
