रेडियो मिसन, मेलम्ची ।
सिन्धुपाल्चोकको मेलम्ची नगरपालिकाले आर्थिक बर्ष २०८०/८१ को लागि १ अर्ब ४४ करोड ९५ लाख ३९ हजार ६०० बजेट विनियोजन गरेको छ । शनिबार भएको नगरसभामा नगर उपप्रमुख उमा प्रधानले प्रस्तुत गरेको बजेत नीति तथा कार्यक्रममा सडक कृषि खानेपानी स्वास्थ्य, शिक्षा, खेलकुद भौतिक पूर्वाधारलाई नीति तथा कार्यक्रमको विशेष प्राथमिकतामा राखिएको छ ।
वडाको बाह्रै महिना यातायात योग्य सडक संजाल जोड्न ७ करोड, एक वडा एक बहुआयामिक सामुदायिक भवन निर्माणका लागि १ करोड ५० लाख, कृषि उत्पादनमा बृद्दि गर्ने नीति बमोजिम २५/७५ साझेदारि सिंचाइ कुलोको लागि १ करोड ५० लाख र एक घर एक धारोको लागि १ करोड बजेट बिनियोजन गरेको छ ।
कृषि आधुनिकिकरण व्यबसायिक पकेट क्षेत्र विस्तारका लागि १ करोड ४० लाख, पशु सेवा अन्तर्गत पशु विमा,सुत्केरी पशुका लागि पोष्टिक आहारा लगायतका कार्यक्रमका लागि १ करोड १७ लाख, उद्घमीहरूलाई प्रोत्साहन गरि उद्धमी बनाउन २४ लाख ८३ हजार र सहकारि लक्षित कार्यक्रमका लागि २५ लाख बिनियोजन गरेको छ ।
स्वास्थ तथा आयुर्वेदका लागि ३ करोड १९ लाख ७३ हजार, युवा शिक्षा, खेलकुद अन्तर्गत बालबिकास कर्मचारीको सुविधा वृद्धि, मेयर कप प्रतियोगिता, शैक्षिक गुणस्तर सुधार, विद्यालय बाहिर रहेका बालबालिका विशेष कार्यक्रम लगायतका लागि ८ करोड ५१ लाख ८५ हजार, महिला बालबालिका तथा सामाजिक समावेशीकरणको लागि उपप्रमुख संग महिला शिक्षा कार्यक्रम, महिला सशक्तीकरण, अपांगता, ज्येष्ठ नागरिक, जनजाति दलित सहकारि उत्थान सहितका कार्यक्रमको लागी १ करोड ४८ लाख ८५ हजार र फोहोमैला व्यबस्थापन का लागि ५० लाख बजेट छुट्याएको छ ।
त्यस्तै मेलम्ची नगरपालिका वडा न ४,७,९ र १२ को वडा कार्यालयको भवन निर्माण तथा सम्पन्नताको लागि ३ करोड ४० लाख, वडा न ३ को स्वास्थ्यचौकि भवन निर्माणको लागि १ करोड, मेलम्ची गैरीगाउँ सुनखानी सडक स्तरोन्नति बाहुनेपाटी माझीगाउँ डाडाथोक बाँसबारी भन्ज्याङ सडक निर्माण को लागि प्रदेश समपुरक अनुदान संग म्याचिङ गरि कार्य गर्न ३ करोड बिनियोजन गरेको छ ।
बस्ती स्तरबाट माग भई वडागत रूपमा योजना कार्यान्वयनका लागि १३ करोड ३६ लाख, तत्कालीन आबश्यकताको रूपमा पुर्वाधार निर्माण तथा योजना संचालनका लागि ५० लाख, ६०÷४० साझेदारि कार्यक्रम १ करोड बजेट बिनियोजन गरेको छ ।
क्रसर प्रभावित क्षेत्रको विकासका लागि वडा न १२ र १३ को लागि ७६ लाख ५० हजार त्यस्तै नगरपालिका विभिन्न कोषहरूमा ४ करोड २० लाख र नगरपालिकाको प्रशासनीक तथा चालू प्रकृतिका कार्यक्रमको लागि १६ करोड २० लाख बिनियोजन गरेको छ ।
साथै नगररप्रमुख आइतमान तामाङद्वारा प्रस्तुत आर्थिक वर्ष २०८०÷०८१ को नीति तथा कार्यक्रम सर्वसहमतिले पारित भएको छ ।
