रबिन दनुवार सिपाघाट ।
मण्डनदेउपुर नगरपालिका वडा नम्बर ६ सिपाघाटमा मिनिटिलर बितरण गरिको छ । कृषि ज्ञान केन्द्रको ५० प्रतिशत अनुदानमा श्री विकसित साना किसान कृषि संस्था लिमिटेडले हाते मिनिटिलर वितरण गरेको हो ।
मण्डनदेउपुर नगरपालिका प्रमुख टोक बहादुर वाइबाले किसानहरुलाई मिनिटिलर हस्तान्तरण गर्नुभएको हो । कृषि संस्था मार्फत ३५ किसानहरूलाई मिनिटिलर हस्तान्तरण गरेको नगरपालिकाको स्वकीय सचिव डिल्ली आचार्यले जानकारी दिनुभयो ।
किसानलाई आत्मनिर्भर बनाउने र व्यवसायीकरण गर्ने उद्देश्यले प्राथमिकतामा राखि यस्ता कामहरु नगरले गर्दै आएको आचार्यले बताउनुभयो । कृषि क्षेत्रलाई प्राथमिकतामा राखि मिनिटिलर दिएर आफुहरुलाई नगरले उल्लेख्य सहयोग गरेको भन्दै किसानहरूले खुसि व्यक्त गरेका छन्।
