रेडियो मिसन, नवलपुर ।
देशभरको गाउँपालिकाको साझा संगठन गाउँपालिका राष्ट्रिय महासंघको सल्लाहकार समितिको प्रमुखमा सिन्धुपाल्चोकका होमनारायण श्रेष्ठ मनोनित हुनुभएको छ । सोही सल्लाहकार समितिको सदस्यमा पनि सिन्धुपाल्चोककै बंशलाल तामाङ मनोनित हुनुभएको छ।
सिन्धुपाल्चोकको जुगल गाउँपालिकाका तत्कालीन अध्यक्ष होमनारायण महासंघको निवर्तमान अध्यक्ष हुनुहुन्छ भने इन्द्रावती गाउँपालिकाका तत्कालीन अध्यक्ष बंशलाल महासंघको निवर्तमान महासचिव हुनुहुन्छ । नेकपा एमालेका श्रेष्ठ र नेपाली काँग्रेसका तामाङ दुवै जना महासंघको प्रथम अध्यक्ष र महासचिव हुनुहुन्छ।
गाउँपालिका राष्ट्रिय महासघं नेपालको तेस्रो पुण बैठकबाट उहाँहरुलाई महासघंको केन्द्रिय सल्लाहकार समितिमा मनोनित हुनुभएको हो। महासंघको रिक्त रहेको पदमा उनिहरुलाई मनोनीत गरिएको महासंघका महासचिव खिब बहादुर थापाले बताउनुभयो ।
उहाँहरु दुवैजना गएको स्थानीय तह निर्वाचन २०७९ मा उम्मेदवार नै नभएपछि नयाँ टिमलाई महासंघको जिम्मेवारी हस्तान्तरण गरि विदा हुनुभएको थियो ।
उहाँहरुसँगै सल्लाहकार समिति सदस्यमा मेनुका काफ्ले, लेखनाथ पोख्रेल र जनक गिरी समेत मनोनयन हुनुभएको छ ।
