रेडियो मिसनका अध्यक्षद्वारा पदबाट राजिनामा

* # समाचार समाज सिन्धुपाल्चोक

रेडियो मिसन, नवलपुर


रेडियो मिसनका अध्यक्ष निराजन चौलागाईले पदबाट राजिनामा दिनुभएको छ ।


चौलागाईँले अध्यक्ष सहित रेडियोको कुनै पनि पदमा नरहने गरि राजिनामा दिनुभएको हो । मिसन नेपाल सिन्धुपाल्चोक द्वारा सञ्चालित रेडियो मिसन १०५ थोप्लो ३ मेगाहर्जमा आफ्नो ब्यक्तिगत तथा व्यावसायिक व्यस्थताका कारण समय दिन नसक्ने उल्लेख गर्दै (रेडियोको माउ संस्था) मिसन नेपालका अध्यक्ष सन्तोष सिग्देल समक्ष उहाँले राजिनामा पेश गर्नुभएको छ ।

“प्रस्तुत विषयानुसर मिसन नेपाल सिन्धुपाल्चोक द्वारा संचालित रेडियो मिसन १०५.३ मेघाहर्ज को अध्यक्षको रुपमा जिम्मेवारी दिनुभएकोमा हार्दिक धन्यवाद साथै यो समयमा सम्पूर्ण क्षेत्रबाट भएको साथ, समन्वय र सहयोग प्रति हार्दिक आभार व्यक्त गर्दै मेरो केहि व्यक्तिगत तथा व्यावसायिक व्यस्थताका कारण रेडियोलाइ आवश्यकता अनुरुपको समय दिन नसकेको अनुभूति भएकोले मिति २०८०/०१/०१ देखि मेरो रेडियो मिसन मा कुनै प्रकारको संलग्नता नरहने गरि राजिनामा पेस गरेको छु ।” राजिनामा पत्रमा लेखिएको छ ।


साथै उहाँले आगामी दिनमा रेडियो मिसन १०५.३ को उत्तरोत्तर प्रगतिको कामना समेत गर्नुभएको छ ।


उहाँको राजिनामा बारे रेडियोको कार्यसमिति बैठक बसेर निर्णय गरिने अध्यक्ष सिग्देलले जानकारी दिनुभयो । साथै आगामि १५ दिनको लागी सुचना निकालेर नयाँ अध्यक्ष चयन गरिने उहाँले जानकारी दिनुभयो ।

Leave a Reply