रेडियो मिसन, गुफाडाँडा ।
मेलम्ची नगर उद्योग वाणिज्य संघका अध्यक्ष पुष्कर प्रसाद धितालले मेलम्ची नवलपुर पुल निर्माण गर्न सरकार सँग सँघले जोडदार माग गर्ने बताउनुभएको छ । आज सँघले मेलम्ची नगरपालिका ९ गुफाडाँडामा आयोजना गरेको नवबर्ष २०८० को शुभकामना आदानप्रदान तथा बनभोज कार्यक्रममा बोल्दै धितालले उक्त कुरा बताउनुभएको हो । इन्द्रावती र पाँचपोखरी गाउँपालिका सँग ब्यापारिक केन्द्र मेलम्चीलाई जोड्ने उक्त पुल छिटो भन्दा छिटो निर्माण हुनुपर्ने उहाँले बताउनुभयो ।
अध्यक्ष धितालले ब्यापारीहरूलाई विपद पर्दा संघले सहयोग गर्दै आएको बताउनुभयो । आगलागी, बढी पहिरो जस्ता विपत्तिमा ब्यापारीहरूलाइ सहयोग गरेको उहाँले बताउनुभयो । उहाँले कोभिड तथा बाढीले गर्दा मेलम्ची बजारको व्यापार ठप्प हुँदा बैङ्कले पनि ब्यापारीलाई पेल्ने गरेको गुनासो गर्नुभयो । बजारका पसलहरुमा भाउ फरक हुँदा ग्रहाकले कालोबजारी भन्ने बताउँदै समान दरभाउमा समान बेच्नुपर्ने धारणा राख्नुभयो ।
