रेडियो मिसन, मेलम्ची ।
गत शुक्रबार मेलम्ची नगरपालिका वडा नम्बर ११ स्थित एक वर्कशपमा कार्यरत अम्लेश शाह उपचारका लागि मेलम्ची नगर अस्पताल पुग्नुभयो । काम गर्ने क्रममा ग्रेण्डरले हात काटेपछि उपचारका लागी अस्पताल पुगेका शाहको घाउँमा टाँका लगाउन पर्ने थियो । नगर अस्पतालमा त्यो सुविधा हुँदाहुँदै पनि डाक्टर नभएको भन्दै उनलाई निजि अस्पताल जान सुझाव दिइयो । उपचारका लागी अस्पताल पुगेका शाहलाई अस्पतालका डाक्टर बिबेकानम्द शाहले यहाँ उपचार हुँदैन मेडिकल जानुस भनेर पठाए र लगत्तै आफै सोहि मेडिकल गएर चेकजाँच गरि टाका लगाएका थिए । आफैं सक्षम हुँदा हुँदै नगर अस्पताल बाट निजिमा पठाएका शाहले पैसा असुल्नकै लागि बाहानाबाजि गरेको प्रमाणीत भएको छ ।
अच्चम त के छ भने नगरअस्पतालमा सल्याक्रिया, चेकजाँच, एक्सरे, लगायतका विविध सुविधा उपलब्ध हुँदाहुँदै पनि निजि मेडिकल रिफर गर्नुले अस्पतालको गतिविधिमा संका उत्पन्न भएको छ । निजि मेडिकलमा ७ टाँका लगाएका शाहको नाममा अहिले ८ हजार रुपैयाँ माग गरिएपनि बिल भने दिन मानिरहेको छैन ।
यो त एक उदाहरण मात्रै हो । नगरअस्पतालको काममा यस्ता थुप्रै जनगुनासो आउन थालेका छन् । बजारमा काम गर्ने सामान्य नागरिकको यो स्थितीले अन्य ग्रामिण भेगबाट आउने सेवा ग्राहिको अवस्था के होला भनेर सहजै अनुमान गर्न सकिन्छ । हामिले यस विषयमा नगर अस्पतालका प्रमुख डाक्टर श्रीराम अर्यालसँग बुझ्दा आफुलाई घटनाबारे थाहै नभएको बताउनुभयो । आफ्नो अस्पतालमा ती रोगसँग सम्बन्धीत सम्पुण उपचार हुने जानकारी दिदै त्यस घटनाप्रति थप बुझ्ने र के भएको रहेछ भनेर सत्यतथ्य पत्ता लगाउने बताउनुभयो ।
उहाँको कुरामा विश्वास गर्न नसकिने आधार भनेको आफ्नो अस्पतालमा यतिठुलो घटना घट्दा समेत थाहा नहुनुले विभिन्न संकाचै उत्पन्न हुन्छ ।
वडा अध्यक्ष चन्द्रबहादुर तामाङले घटनाबारे आफु जानकार रहेको बताउँदै प्रशासनिक रुपमा कारबाहीको लागि स्वास्थ्य शाखामा खबर गरेको उल्लेख गर्नुभयो । उहाँले आफु अस्पतालको अध्यक्ष समेत रहेको बताउँदै यस्ता थुप्रै गुँनासो आउनेगरेको बताउनुभयो । नगरपालिकाका प्रमुख प्रशासकिय अधिकृत अमृत कुमार धितालले घटना बारे सम्पुर्ण विवरण उपलब्ध गराउन आग्रह गर्नुभयो । गल्ति भए कारबाही गरिने उहाँले जानकारी दिनुभयो ।
नगर पालिकाका प्रमुख आइतमान तामाङले नगरअस्पतालमा प्रशासनिक र सेवा प्रणालिमा समस्या रहेको स्विकार्नु भयो । उहाँले तत्काल घटनाबारे छानविन गर्ने प्रतिबद्धता जनाउनुभयो ।
