रेडियो मिसन, चौतारा ।
सांसद मोहन बहादुर बस्नेतले विविधता बिचको एकता नै हाम्रो गर्व र पहिचान भएको बताउनुभएको छ । चौतारा साँगाचोकगढी नगरपालिका ११ एक्लेबेशीमा आयोजित “माझी जातिको परम्परागत पर्व“ कोशी पूजाको अवसरमा सांसद बस्नेतले हरेक जातिका आ–आफ्नो चाडबाड र परम्पराहरु भएको र त्यो नै देशको पहिचान भएको बताउनुभएको हो ।
कार्यक्रममा संघीय सांसद बस्नेतको साथमा प्रदेश सांसद तथा भौतिक पूर्वाधार विकास मन्त्री युवराज दुलाल शरद चौतारा साँगाचोकगढी नगरपालिका प्रमुख कृष्ण प्रसाद सापकोटा लगायतले शुभकामना दिनुभएको थियो ।
साथै कलाकार कृष्ण कडेल लगायत इन्द्रेणी टिमले कार्यक्रममा बिभिन्न मनोरञ्जनात्मक प्रस्तुतिहरू प्रस्तुत गरेको थियो ।
