रबिन दनुवार, भोटसिपा ।
इन्द्रावती गाउपालिका वडा नम्बर ९ स्थित भोटसिपामा नियमित पोषण पाठशाला दिवसको समापन भएको छ । स्थानीय गैरसरकारी संस्था खाद्य तथा पोषण सुरक्षा सुधारको आयोजनामा पोषण पाठशाला दिवस मनाइएको हो ।
कार्यक्रमको अवसरमा इन्द्रावती गाउपालिका अध्यक्ष झम्क नाथ नेपालले पालिकालाई कुपोषण रहित बनाउने बताउनुभयो । मानव जीवनको संवेदनशील क्षेत्र भनेको स्वास्थ्य क्षेत्र रहेको नेपालले बताउनुभयो । गुणस्तरीय स्वास्थ्य जीवनको लागि पोषणयुक्त एव सन्तुलित भोजनको आवश्यकता पर्न उहाँले भनाई थियो।
वडा अध्यक्ष बाबुराम लामाले स्वास्थ्य क्षेत्रमा आफू संवेदनशील रहेको साथै पोषण पाठशालाको सिकाइले कुपोषण रहित नागरिक बनाउन मद्दत गर्ने अध्यक्ष तामाङले बताउनुभयो । पाठशालाबाट प्राप्त सिकाइ व्यवहारमा लागु गर्नुपर्नेमा अध्यक्ष तामाङले जोडदिनुभयो ।
पोषण पाठशाला सञ्चालन गर्न आफ्नो तवर बाट सहयोगको भूमिका निभाएको भन्दै खाद्य तथा पोषण सुरक्षा सुधार आयोजना FANSEP खाद्य तथा कृषि संगठन FAO सामुदायिक विकास तथा वातावरण संरक्षण मञ्च CDECF र स्थानीय सरकारलाई तामाङले धन्यवाद समेत व्यक्त गर्नुभयो ।
