रेडियो मिसन, नवलपुर ।
सिन्धुपाल्चोक बाह्रविसे ५ खोराङ्ग दोभानस्थित भोटेकोशी नदीबाट अवैध रुपमा नदीजन्य पदार्थ उत्खनन् गरीरहेको अवस्थामा स्काभेक्टर र टिपर नियन्त्रणमा लिईएको छ ।
ईलाका प्रहरी कार्यालय बाह्रविसेबाट खटिएको प्रहरी टोलीले खोराङ्ग दोभान स्थित भोटेकोशी नदीबाट अवैध रुपमा नदीजन्य पदार्थ उत्खनन् गरीरहेको अवस्थामा बा २ क ५५४६ नं. को चेनवाला स्काभेटर, बा २ क १०७३ र बा २ क १०७० नं.को टिपर फेला पारी नियन्त्रणमा लिई आवश्यक कारबाहीको प्रकृया अगाडी बढाईएको जिल्ला प्रहरी कार्यालयका सुचना अधिकारी शिव कुमार बुढाथोकीले जानकारी दिनुभयो ।
