प्रथम सहिद स्मृति जिल्लास्तरीय ब्याडमिन्टन प्रतियोगिता २०८१ मा मेलम्ची नगरपालिकाका पुरस्कार विजेता खेलाडीहरुले बुधबार एक कार्यक्रमका बिच नगर प्रमुख आइतमान तामाङ, प्रमुख प्रशासकीय अधिकृत निमेष मिश्र लगायतको उपस्थितीमा ट्रफि हस्तान्तरण गरेका छन् ।
यहि चैत्र ७(९ गते सम्म संचालित प्रतियोगिता अर्न्तगत १२ टिमबीच प्रतिस्पर्धा चलेको भेट्रान्स डबलतर्फको खेलमा मेलम्ची नगरपालिकाका नारायणलाल श्रेष्ठ र राजनमान श्रेष्ठ को जोडी पहिलो भएका थिए । त्यस्तै ३६ टिम सहभागी मेन्स डबलमा अनिश गुरुङ र रुद्रलाल श्रेष्ठ तथा अजय तामाङ र किशन दुलाल को जोडी तेस्रो हुन सफल भएका थिए ।
पुरस्कार हस्तान्तरण कार्यक्रमलाई सम्बोधन गर्दै नगर प्रमुख तामाङले खेल क्षेत्रबाट नगरपालिकाको नाम राख्न सफल खेलाडीहरुलाई बधाई ज्ञापन गर्दै आगामी दिनहरुमा अझै खेल र खेलाडीहरु लाई प्रोत्साहन गर्दै अगाडी बढ्ने प्रतिबद्धता व्यक्त गर्नुभयो । सोही अवसरमा उहाँले मेलम्ची मेयर कप अर्न्तगत व्याडमिन्टन, भलिबल, कराँते लगायतका खेलहरु यथाशिघ्र संचालन गरीने समेत जानकारी दिनुभयो ।
