नवलपुर ।
नेकपा एमालेका नेता शेर बहादुर तामाङले हामी बिचको तिक्तताको अन्त्य गर्न र हार्दिकता कायम गर्न चाडपर्वले महत्वपुर्ण भुमिका खेल्ने बताउनुभएको छ । इन्द्रावती गाउँपालिकाले आयोजना गरेको शुभकामना आदानप्रदान कार्यक्रमलाई सम्बोधन गर्दै पुर्व मन्त्री तामाङले सुविचार लिएर अघि बढ्न अनुरोध गरेका छन ।
“चुनावमा हारजित सबैको हुन्छ, सबैलाई समेटेर लैजान सक्नुपर्दछ,” उहाँले भन्नुभयो। “हामीले बर्षभरि कुवचन लगाएकाछौँ होला, अब सतवचन लगाउने बुद्दि पलाओसु, विजया दशमीको शुभकामना दिँदै तामाङले भन्नुभयो, राम्रो र नराम्रो हामीभित्र छ । नराम्रो काम गर्दै हिँड्यो भने परास्त होइन्छ।”
इन्द्रावतीमा खानेपानीको समस्या भएको भन्दै उहाँले केही बर्षमा इन्द्रावतीको कुनै पनि घरमा खानेपानी र एक घर एक धारा बाट बन्चित नहुने बताउनुभयो । “इन्द्रावतीमा धुलो हिलो सडक हिँड्नु पर्दैन । इन्द्रावती विकासित हुँदै छ । भिमटार उपत्यका शहर बन्दैछ,” उहाँले थप्नुभयो ।
