मेलम्ची नगरपालिकाको वडा नम्बर ९ को सार्बजनिक सुनुवाई सम्पन्न

* # पालीका खबर समाचार समाज सिन्धुपाल्चोक

रेडियो मिसन, ज्यामिरे ।
मेलम्ची नगरपालिकाको वडा नम्बर ९ को आर्थिक वर्ष २०७९/०८० को प्रथम चौमासिकको सार्वजनिक सुनुवाई कार्यक्रम सम्पन्न भएको छ । मेलम्ची नगरपालिका प्रमुख आइतमान तामाङको प्रमुख आतिथ्यता, वडाध्यक्ष किरण दिप खड्काको अध्यक्षतामा भएको उक्त कार्यक्रममा उपप्रमुख उमा प्रधान, प्रमुख प्रशासकीय अधिकृत अमृत कुमार धिताल, विषयगत शाखाका प्रमुख लगायत वडा नं ९ का स्थानीयहरुको बाग्लो उपस्थितिमा मेनपा ९ ज्यामिरेमा कार्यक्रम सम्पन्न भएको हो ।

स्थानीय जनताको आवश्यकताहरुको पहिचान, समस्याहरुको समाधान र विकास निर्माणमा जनप्रतिको रुचि र आम सरोकारको विषयमा केन्द्रीत रहेर नगरपालिका द्वारा वडागत रुपमा सार्वजनिक सुनुवाई कार्यक्रम नियमित गर्दै अई रहेकोमा यस पटक नगरपालिका द्वारा पहिलो कार्यक्रम ९ नं वडामा आयोजना गरेको हो ।

रेडियो मिसन १०५.३ मेगाहर्जको सहजिकरणमा सम्पन्न कार्यक्रममा वडाध्यक्ष किरणदिप खड्काले समृद्ध मेलम्ची बनाउन वडाले पनि आफ्नो ठांउबाट काम गर्ने बताउनुभयो ।

कार्यक्रममा नगरपालिका तथा वडा कार्यालयबाट यस आर्थिक वर्ष २०७९/०८० को प्रथम चौमासिकमा सम्पादन भएको कार्यहरुलाई संक्षिप्त रुपमा प्रतिवेदन पेश गरिएको थियो ।

Leave a Reply