ईन्द्रावती गाउँपालिका वडा ४ मा अवस्थित श्री टाकुरे आधारभुत विद्यालयमा अध्ययनरत विद्यार्थीहरुको लागि न्यानो कपडा वितरण गरिएको छ।
समाजसेवी मोहन गिरीको पहलमा आज विद्यालयको प्राङ्गणमा इन्द्रावती गाउँपालिका वडा नम्बर ४ का वडाध्यक्ष क्षेत्र बहादुर तामाङ र इन्द्रावती गाउँपालिका वडा नम्बर २ का वडाध्यक्ष श्याम बहादुर गिरीको टोलीले न्यानो कपडा वितरण गरेकाे हाे ।
न्यानो कपडा वितरण कार्यक्रम लाई सम्बोधन गर्ने क्रममा वडाध्यक्ष क्षेत्र बहादुर तामाङले विजय दशमी तथा शुभ दीपवालीको शुभकामना दिदै चाडपर्वलाई आफ्नो गच्छे अनुसार मनाउन अनुरोध गर्नुभयाे । साथम न्यानो कपडा वितरण गर्न पहल गर्ने समाजसेवी मोहन गिरी प्रती आफू आभारी भएको बताउनुभयाे। यसका साथै वडाध्यक्ष तामाङले विद्यालयमाको शैक्षिक स्थिति सुधार गर्न सबै संग समन्वय गर्नु पर्ने बताउनुभयाे। वडाध्यक्ष तामाङले विद्यालयको मैदान निर्माण गर्न वडा मार्फत एक लाख बजेट व्यबस्थापन गरेको पनि जानकारी दिनुभयाे। विद्यार्थीहरुको लागि खेल मैदानको आवश्यकता रहेको गुनासो आएकाले खेलमैदानको लागि बजेट व्यबस्थापन गरेको तामाङले बताउनुभयाे।
वडा नम्बर २ का वडा अध्यक्षा श्याम बहादुर गिरीले केही दिन अघी आएकाे बाढीमा परी ज्यान गुमाउनेहरुप्रती समवेदना व्यक्त गर्दै ईन्द्रावती गाउँपालिकाका केही विद्यालयमा यसअघि पनि न्यनाे कपडा वितरण भईसकेकाे र अब बाँकी रहेका सबै विद्यालयमा याे अभियानलाई निरन्तरता दिने बताउनुभयाे । यस्ताे पवित्र कामले बालबालिकाकाे पठनपाठनमा थप सहयाेग पुग्ने बताउनुभयाे ।
कार्यक्रममा स्वागत मन्तव्य विद्यालयका शिक्षिक करिना तामाङले राख्नुभएकाे थियाे । कार्यक्रममा इन्द्रावती गाउँपालिका राष्ट्रीय स्वतन्त्र पार्टीका सभापती जीवन बानियाँ बागमती कांग्रेस प्रतिनिधि दया कुमारी मिश्र कांग्रेस इन्द्रावती २ का सभापति बलराम गिरि जलेश्वर आधारभुत विद्यालयका प्रधानध्यापक रेवती रमण कोईराला सहित वडा सदस्य रेशम बहादुर तामाङ लगाएतको उपस्थिती रहेको थियो भने विद्यालय व्यावस्थापन समितीका अध्यक्ष धन बहादुर तामाङकाे अध्यक्षतामा सम्पन्न भएकाे हाे ।
