रेडियो मिसन ।
जनसुधार महिला बिकास बचत तथा रिण सहकारी संस्था को २५ औं वार्षिक साधरण सभा तथा अधिवेसन सम्पन्न भएको छ । इन्द्रावती गाउँपालिकाका उपाध्यक्ष शोभना तामाङको प्रमुख आतिथ्यतामा सम्पन्न कार्यक्रममा आफ्नो भनाइ राख्दै उहाँले योजनाबद्ध तरिकाले काम गरेमा संस्थालाई अघि बढाउन सजिलो हुने बताउनुभयो । साथै सबै प्रकारका बचत योजनाले सहकारी संस्थालाई अघि बढाउन सहयोग गरिरहेको पाइएको बताउँदै संस्था नीति अनुसार सञ्चालन हुनुपर्नेमा जोड दिनुभयो । अनुगमनको क्रममा पनि सहकारी संस्थाहरूलाई अगाडि बढाउन विभिन्न सल्लाह दिँदै आएको दाबी गर्नुभयो ।
गाउँपालिकाले महिला विकासका लागि उपाध्यक्ष समृद्धि कार्यक्रम अघि सारेको बताउँदै आगामी दिनमा आय आर्जनमा अघि बढ्न सहयोग पुर्याउने हिसाबले उक्त कार्यक्रम लागू गरिने उहाँको भनाइ छ ।
गाउँपालिकाका प्रवक्ता तथा वडा नम्बर ५ का अध्यक्ष शशीनाथ आचार्यले सहकारीले अहिले पाएको सफलता सहकारीको सदस्यहरू, कार्यसमिति लगायतको मेहनत, सक्रियता तथा सञ्चालकको इमान्दारिताका कारण भएको बताउँदै अझै सक्रिय ढङ्गले अघि बढ्ने विश्वास व्यक्त गर्नुभयो । गाउँपालिकाभित्र रहेका ७४ वटा सहकारीमध्ये नियमित सञ्चालन हुने थोरै सहकारीहरूमात्रै रहेको र त्यसमा यस सहकारी पनि एक भएको र महिला सहकारीहरूमध्येमा अग्र स्थानमा आउने गरेकोमा खुसी व्यक्त गर्नुभयो ।
गाउँपालिकाका महिला बालबालिका तथा सहकारी शाखाका प्रमुख सुजता गौतमले महिलाहरुको सक्रियतामा सञ्चालित यस सहकारीले अन्यको दाँजोमा अनुकरणीय काम गरेको बताउँदै सेयर र बचतको अनुपात मिलेको देखिएको बताउनुभयो ।
विभिन्न समिति गठन सकारात्मक पक्ष भएको बताउँदै तरलता कम देखिएकोले व्यवस्थापन गर्न जरुरी रहेको बताउनुभयो । सेयर सदस्य र सञ्चालक समितिको अधिकार बराबर हुने बताउँदै लेखा समितिलाई थप प्रभावकारी बनाउन सुझाव पनि दिनुभयो ।
इन्द्रावती सहकारी सञ्जालका अध्यक्ष रामशरण गिरीले यस सहकारीको कारोबार लोभ लाग्दो रहेको बताउँदै यसले खुसी लागेको बताउनुभयो । पारदर्शी ढंगले कारोबार गरेको देखिएको र अहिले सहकारीको मुख्य प्रतिस्पधी लघुबित्तहरु रहेकोले पुँजी वृद्धि गर्दै जाने हो भने प्रतिस्पर्धा गर्न सकिने उहाँको भनाई थियो । साथै नयाँ बन्ने कार्य समितिलाई शुभकामना पनि व्यक्त गर्नुभयो ।
कार्यक्रमको अवसरमा संस्थाको नियम अनुसार कारोबार तथा बचत गर्ने २ ओटा केन्द्रका सञ्चालक समितीलाई र सँस्थाबाट ऋण लिई सहि सदुपयोग गर्दै ब्यवसाय गरिरहेका तीन जनालाइ दोसल्ला सहित सम्मान गरिएको छ ।
कार्यक्रम इन्द्रावती गाउँपालिकाका उपाध्यक्ष शोभाना तामाङको साथमा गाउँपालिकाका प्रवक्ता तथा वडा नं ५ का अध्यक्ष शशिनाथ आचार्य कार्यपालिका सदस्य सीता तिरुवा, मिठू नेपाली इन्द्रावती सहकारी सञ्जालका अध्यक्ष रामशरण गिरी, विभिन्न संघसंस्थाका प्रतिनिधि विद्यालयका प्रतिनिधि अन्य सहकारीका पदाधिकारी सेयर सदस्य बचतकर्ताहरू लगायत को उपस्थितिमा कार्यक्रम सम्पन्न भएको हो ।
कार्यक्रममा सहकारीका अध्यक्ष साननानी आचार्यले वार्षिक प्रतिवेदन प्रस्तुत गर्नुभएको थियो भने कोषाध्यक्ष सरला नेपालले आर्थिक प्रतिवेदन प्रस्तुत गर्नुभएको थियो ।
२०५६ सालमा स्थापना भएको उक्त सहकारी मा हाल ३० वटा केन्द्र गरी ६८६ जना सदस्यहरु आबद्ध रहेको प्रतिवेदनमा उल्लेख छ । साथै संस्थालाई बलियो बनाउन जडेगा तथा अन्य कोषको व्यवस्था गरेको, सबै सदस्यहरुले नियमित रुपमा यस संस्थामा बचत संकलन गरी आफ्नो शेयर रकम र बचत रहममा वृद्धि गर्दै लगिएको र यस वर्ष मात्र संस्थाबाट ऋण लिएर ३१५ जना सदस्यले विभिन्न व्यवशायहरु सञ्चालन गरी आयआर्जन गइरहेको प्रतिवेदनमा उल्लेख छ। जसमा कुखुरा पालन व्यवसाय गर्ने २३ जना विभिन्न खुद्रा पसल सञ्चालन गर्ने ६४ जना रेलु उद्योग गर्ने ७ जना तरकारी खेती गर्ने ४८ जना सिलाई बुनाई गर्ने १५ जना र पशुपालन गर्ने २५ जना सदस्यहरु रहेको र यस अवधिसम्म कार्यक्षेत्रमा चेलीबेटी तथा बालबालिका ओसार पसारको जोखिममा परेका किशोर किशोरीहरु समेटी किसोरी शिक्षा कार्यक्र सञ्चालन गर्न बाल समूहको ११ वटा किशोर किशोरीको ७ वटा गरी जम्मा १८ वटा समूह निर्माण निर्माण गरी नियमित बचत गर्ने गरी नियमित बचत गर्ने गरिरहेको प्रतिवेदनमा भनिएको छ । साथै संस्थाले आगामी कार्यक्रमहरू पनि सार्वजनिक गरेको छ ।
संस्थाको आगामी कार्यक्रमहरू :-
१. व्यवसायिक लगानी क्षेत्र विस्तार गर्ने ।
२. सन्चालक तथा सदस्यहरुको क्षमता विकासमा सहभागिता गराउने ।
३. सञ्चालक समितिको बैठक हरेक महिनाको १ पटक बस्ने योजना निर्णय र कार्यान्वयन गर्ने ।
४. बार्षिक साधारण सभा १ पटक आर्थिक तथा प्रगति विवरण योजना निर्णय र कार्यान्वयन गर्ने ।
५. वार्षिक साधारण सभा १ पटक आर्थिक तथा प्रगति विवरण तयार पारित योजना निर्माण गर्ने ।
६ घुम्तीकोष परिचालन महिला आत्मनिर्भर बनाउन आयआर्जनमा सघाउने ।
७. नमुना सहकारी अध्ययन भ्रमण स्थानिय तहका सहयोग तथ आपसका सहकारीहरु सँग मिलेर नमुता सहकारीको अध्ययन भ्रमणमा सदस्यहरुको सहभागिता गराउने ।
८. सहकारीको सम्पूर्ण कारोवारहरु खाता र कम्प्युटर सिस्टममा चलाउने ।
९ भाका ननागी किस्ता बन्द्रीमा ऋण तिर्ने सदस्यहरुलाई सम्मान गर्ने ।
१० संस्थाको नीति नियम पालना गर्ने केन्द्रलाई सम्मान गर्ने ।
११ संस्थाबाट ऋणलिई सबै भन्दा राम्रो व्यवसाय गर्ने कृषकलाई सम्मान गर्ने ।
१२. सहकारी शिक्षा कार्यक्रम वर्षमा १ पटक सञ्चालन गर्ने ।
१३. सबै ३० बटै केन्द्रमा केन्द्र बैठक सञ्चालन गर्ने ।
१४. १ लाख भन्दा वढी ऋण चाहिएमा संस्थाको नीति नियम पालना गरी समूह जमानी, त्यसपछि नागरिकता बनेका एकाघरको सदस्य र नागरिकताको फोटोकपी घर जग्गाको लालपूर्जाको फोटोकपी अनिवार्य रुपमा संस्थामा पेस गरेपछि मात्र ऋण लगानी गर्ने ।
१५. बचत शेयर वृद्धि गर्ने र सदस्या बढाउने ।
१६. समूहको कुनै सेयर सदस्यबाट ऋण अशुली नभएमा सो समूहका अन्य सदस्यहरुलाई ऋण अशुली नभएसम्म ऋण लगानी गर्न नसकिने ।
१७. सिपमुलक तथा व्यवसायिक ऋणलाई प्राथमिकता दिने ।
१८. स्थानीयस्तरमा रही कारोबार गर्ने संघ संस्थाहरुसँग समन्वय गरी सदस्यहरुको पहिचान गर्ने ।
१९. स्थानीय सरकार समक्ष कार्ययोजना पेस गर्ने ।
२०. वडास्तरीय सहकारीहरुसँग समन्वय गरी कम्तिमा ३ महिनामा एकपटक बैठक बस्ने ।
२१. समूह जमानी भएकोले जुन समूहको सदस्यहरुको भाका नाघेमा त्यस समूहले ऋण मागफारम भने नपाउने ।
२२. किशोरकिसोरी समूहलाई लक्षित गरी आगामी दिनमा सहकारी शिक्षा कार्यक्रम संगै किशोरकिसोरीलाई पर्न सक्ने जोखिम व्यवस्थापन सम्बन्धी कार्यक्रम सञ्चालन गर्ने ।
