रेडियो मिसन ।
हरितालिका तीजको अवसरमा रणनैनेश्वर मन्दिरमा मेला लागेको छ । ईन्द्रावती गाउँपालिका ५ ऐसेलुखर्कमा रहेको उक्त मन्दिरमा आज तिजको मेला लागेको हो । मेलाको अवसरमा गाउँपालिका र वडाको समन्वयमा निःशुल्क स्वास्थ्य शिविर र खानेपानी वितरण गरिएको थियो । मेलामा हिजो दर खाई ब्रत बसेका महिला दिदीबहिनीहरुले तिज गीत गाई छमछमी नाचेर रमाइलो गरेका थिए ।
मेलालाई ब्यवस्थापन गर्न ईन्द्रावती गाउँपालिका, गाउँपालिकाको स्वास्थ्य शाखा लगायत ऐसेलुखर्क माध्यामिक बिद्यालयका प्रधानाध्यापक चन्देश्वर यादव लगायत बिद्याार्थीहरु ईलाका प्रहरी कार्यलय नवलपुरका प्रहरी निरिक्षक र सुरक्षाकर्मीहरु लगायतले सहयोग पुर्याएको गाउँपालिकाका प्रवक्ता एवं ५ नम्बर वडाका अध्यक्ष शशिनाथ आचार्यले जानकारी दिनुभयो ।
यस मन्दिरमा बिशेष गरि हरितालिका तिज, शिवरात्री, गाइजात्रा, बडा दशै लगाएत विभिन्न पर्वहरुमा मेला लाग्ने गरेको छ । उक्त स्थानमा लाग्ने मेलालाई आगामी दिनमा थप ब्यवस्थित र प्रभावकारी बनाउने र स्थानीय कला र संस्कृतिको जगेर्ना गर्न, स्थानीय कलाकारहरुलाई आम रुपमा चिनाउन भुमिका निर्वाह गरिने पनि उहाँले बताउनुभएको छ ।
यस्ता मेलालाई वडाको तर्फबाट अपनत्व ग्रहण गरी यो कार्य यस वर्षबाट थालनी भएकोले आगामी दिनमा थप योजनाबद्ध रुपमा यस्ता कार्यक्रमहरु गरिने उहाँले प्रतिबद्धता जनाउनुभएको छ ।
