मेलम्ची नगरपालिका वडा नम्बर ९ मा वडा अध्यक्ष कप भलिबल सम्पन्न भएकाे छ । रातामाटामा आयेजित वडा अध्यक्ष कप भलिबलको उपाधि घिसिङ निर्माण सेवा ज्यामिरेले हात पारेको छ ।
आज सम्पन्न फाइनलमा विचटोल लाई पराजित गरेको घिसिङ निर्माण सेवाले नगद २० हजार ट्रफी र प्रमाणपत्र प्राप्त गरेको छ । दोस्रो भएको रातमाटा विचटोलले १५ हजार त्यस्तै आयोजक सिन्धु योङस्टार लाई पराजित गर्दै तेस्रो भएको लागर्चे ८ ले १० हजार नगद ट्रफि र प्रमाण पत्र प्राप्त गरेको आयोजकका अध्यक्ष सुनबहादुर घलेले जानकारी दिनुभयो ।
समापन समाराेहमा आयाेजित कार्यक्रममा मेलम्ची नगर प्रमुख आइतमान तामाङकाे प्रमुख आतिथ्यता रहेकाे थियाे । कार्यक्रमलाइ सम्बाेधन गर्दै नगर प्रमुख तामाङले खेल क्षेत्रकाे विकास तथा प्रवद्धनमा सधै सहयोग गर्ने बताउनुभयाे ।
प्रयोगिताका विजेता तथा उत्कृष्ट खेलाडी लाई वडा अध्यक्ष किरणदिप खड्का लगायतले पुरस्कार प्रदान गर्नुभएकाे हाे । ७ टिम सहभागी प्रतियोगिता वडा कार्यपालिकाको सहयोगमा गरिएको हो ।
प्रतियोगितामा वेस्ट प्लेयर गगन विष्ट , वेष्ट स्पाईकर विजय तामाङ, वेष्ट सेटर मिलन गिरी, वेष्ट डिफेन्स कुमार खड्का , वेष्ट व्लकर सबिन घले र पुष्कर कार्कीले वेष्ट सर्बरकाे उपाधी पाएकाे क्लवका अध्यक्ष सुनबहादुर घलेले जानकारी दिनुभयो ।
नगरपालिकाका प्रमुख आइतमान तमाङले खेल क्षेत्रमा सधै सहयोग गर्ने बताउनुभयो ।
