सिन्धुपाल्चोकको हेलम्बु गाउँपालिकामा जीप दुर्घटना हुँदा दुईको मृत्यु भएको छ । सिन्धुपाल्चोकको हेलम्बु गाउँपालिका वडा नं १ स्थित दोरिङ भिरमा बा २ च ४४५० नम्बरको ल्याण्ड क्रुजर जीप दुर्घटना हुँदा हेलम्बु घुम्न आएका दुई भुटानी नागरिकको मृत्यु भएको हो। दुर्घटनामा ५ जना घाइते भएका छन् ।
डिएसपी निरञ्जन भट्टराईका अनुसार मृत्यु हुने भुटानी नागरिक बर्ष ३३ को अब्गे र बर्ष र ७१ बर्षकी वाङमो रहेका छन् । घाइते हुनेमा हेलम्बु गाउँपालिका २ का ४२ वर्षीय जीप चालक रामचन्द्र भण्डारी, भुटानी नागरिक बर्ष ७४ को हाइज , ४२ बर्षिया पुमा छिरिङ, बर्ष ६५ कि गुची र बर्ष ५६ को फुँङ रहेका छन् । घाइतेहरूलाई उपचारका लागि हेलिकप्टर मार्फत काठमाडौँ लगिएको हेलम्बु गाउँपालिका अध्यक्ष निमा ग्याल्जेन शेर्पाले बताउनुभयो ।
