रेडियो मिसन ।
आगो ताप्ने क्रममा घरमा आगलागी हुँदा बाह्रविसेमा एक जनाको मृत्यु भएको छ ।
काठले बारेको जस्तापाताको छानो भएको एक तले घरमा आगलागी हुँदा सोमबार बाह्रविसे नगरपालिका ८ का वर्ष ४५ का लोकबहादुर नेपालीको मृत्यु भएको हो । सोमबार बेलुकी ८ बजेतिर सो घट्ना भएको प्रहरीले जनाएको छ ।
घरभित्र आगो बाली ताप्ने क्रममा आगलागी भई घरभित्र रहेको एलपी ग्याँस सिलिन्डर पड्किदा सो घट्ना भएको जिल्ला प्रहरी कार्यलय सिन्धुपाल्चोकका सुचना अधिकारी प्रहरी नायव उपरिक्षक निरञ्जन भट्टाराईले जानकारी दिनुभयो । घरधनी लोक बहादुरको पुरै शरिर जलेर घटनास्थलमै ज्यान गएको भट्टाराईले बताउनुभयो ।
प्रहरीले घट्नास्थलमा पुगेर लोकबाहदुरको परिवारको अन्य सदस्यलाई भने उद्धार गरेको थियो । आगो पुर्ण रुपमा नियन्त्रणमा आएको छ । घट्नाबाट भएको अन्य क्षतिको विवरण भने आउन बाँकी रहेको प्रहरीले जनाएको छ ।
