रेडियो मिसन ।
मेलम्ची नगरपालिका वडा नम्बर २ को आयोजनामा वडा वस्ती स्तरीय फुटबल प्रतियोगिता सम्पन्न भएको छ । वडा बाल सन्जालकी अध्यक्ष दीपा सुन्दासको सभाध्यक्षतामा कार्यक्रम सम्पन्न भएको हो ।
कार्यक्रममा प्रमुख अतिथी मेलम्ची नगरपालिका वडा नम्बर २ का वडाअध्यक्ष नगेन्द्र प्रसाद खतिवडा र अतिथिहरूमा मेलम्ची वडा न २ का सम्पूर्ण जनप्रतिनिधिहरू, श्री जाल्पादेवी माध्यमिक विद्यालयका प्रधानाध्यापक हरिहर आचार्य, सम्पूर्ण पार्टीका पार्टी प्रतिनिधिहरू, टोल विकासका अध्यक्षहरू, विद्यालयका विव्यस अध्यक्षहरू, वडा नम्बर २ मेलमिलाप सयोजक हर्क बहादुर तामाङ, ज्येष्ठ नागरिक मञ्चका अध्यक्ष पदमनिधी खतिवडा हुनुहुन्थ्यो ।
वडालाइ बालमैत्री बनाउने विशेष उद्देश्यका साथ यी कार्यक्रमहरू आयोजना गरिएको हो । वडाले बालउद्यानको लागि पनि बजेट निर्धारण गरेर यो बजेटमा समावेश गरेको छ । फुटबल प्रतियोगितामा प्रथम निवुगाउँ बस्ती बाल समुह, द्वितीय तल्लो जैसिगाउँ बस्ती बाल समूह, तृतीय माथिल्लो जैसिगाउँ बस्ती बाल समूह र चौथो सुयलछाप बस्ती बाल समूह भयो ।
प्रथम लाई पुरस्कार रू ४०००, द्वितीय लाई नगद रू ३०००, तृतीय लाई नगद रू २००० र चौथोलाई नगद रू १००० साथै मेडल र प्रमाणपत्र प्रदान गरिएको वडा अध्यक्ष नगेन्द्र खतिवडाले जानकारी दिनुभयो ।
रेफ्रीको भुमिका नवीन खतिवडा र निराजन गिरीले गर्नुभएको थियो । कार्यक्रम सन्चालन वडासदस्य एवम कार्यपालिका सदस्य गोमा दुलालले गर्नुभएको थियो । कार्यक्रममा जाल्पादेवी माविको भित्तेपत्रीका पल्लवी वडाअध्यक्ष नगेन्द्र प्रसाद खतिवडाले प्रअ हरिहर आचार्य, अतिरिक्त शाखा प्रमुख जीवन ढकाल र बाल क्लब अध्यक्ष अभिषेक खतिवडाले अनावरण गर्नुभएको थियो ।
