मनसुन सकिनै लाग्दा परेको पानिका कारण मेलम्ची खोलामा आएको बाढीले मेलम्ची भेगमा क्षति पुगेको छ ।
२०७८ असार १ मा आएको बाढीले मेम्ची खोलामा रहेका पक्की पुलहरु बगाएको ठाँउमा सञ्चालित अस्थायी पुल तथा बाटोहरुमा क्षति पुगेको छ । मेलम्ची नगरपालिकाको मेलम्ची फट्टेमा सञ्चालन गरेको अस्थायी पुलमा बाढीले क्षति पु¥याएको छ । केहि दिन अघि मात्र मेलम्ची नगरपालिकाले नागरीकको सहजताका लागि अस्थायी पुल सञ्चालनमा ल्याएको थियो ।
मेलम्ची फट्टेमा गएरातिको बाढीले पुर्याएको क्षतिको नगर प्रमुख आइतमान तामाङ्ले निरीक्षण गर्नुभएको छ । निरीक्षण पश्चात् नगर प्रमुख तामाङ्ले खोलाको बहाब घटेपछि ह्युम पाइपलाई ब्यबस्थित गरिने बताउनुभयो । उहाँले तत्काल केहि गर्न सक्ने अवस्था नरहेको भन्दै मौषमको अवस्था हेरेर निर्णय लिइने बताउनुभयो । अनुगमनमा सशस्त्र प्रहरी मेलम्चीका प्रमुख राजेश फुयाल ,ईलाका प्रहरी कार्यालय मेलम्चीका प्रमुख राजेन्द्र थापा,मेलम्चीका स्थानीय समाजसेवी नारायण सापकोटा लगायतको उपस्थिति रहेको थियो ।
पुलमा क्षति पु¥याएपछि मेलम्ची नगरपालिकाका ७ र ८ हेलम्बु गाँउपालिकाको २ र ३ तथा पाँचपोखरीका १ र २ वडाका नागरिक प्रभावित भएका छन् । बर्षा रोकिएपछि तत्काल मर्मत थालिने मेलम्ची नगरप्रमुख आइतमान तामाङले बताउनुभयो ।
त्यस्तै बाढीले हेलम्बुमा चनौटे– इचोक सडक बगाँउदा यातायात अवरुद्ध भएको गाँउपालिका अध्यक्ष निमा ग्याल्जेन शेर्पाले जानकारी दिनुभयो । पानि पर्न छाडेपछी तत्काल मर्मत थालिने उहाँले बताउनुभयो ।
