रेडियो मिसन, नवलपुर ।
इन्द्रावती गाउँपालिकामा स्वास्थ्यकर्मीको लागि वृहत पोषण विशेष प्याकेज सम्बन्धी प्रशिक्षक प्रशिक्षण तालिम सम्पन्न भएको छ । तालिम पोषण सम्बन्धी विषय वस्तुहरूको एकीकृत वृहत प्याकेज सबन्धी तालिम सञ्चालन गर्न आवश्यक पर्ने ज्ञान सीप तथा व्यवस्थापकीय पक्षको क्षमता अभिवृद्धि गर्ने, पोषण सम्बन्धी व्यवहार सुधारको लागि परामर्श र छलफल विधिद्वारा ज्ञान, सीप र धारणमा सकारात्मक परिवर्तन गर्न प्रोत्साहन गर्ने तथा कुपोषण व्यवस्थापनको लागि प्राविधिक तथा परामर्श सम्बद्ध ज्ञान, सीप र क्षमता विकास गर्ने उद्देश्यका साथ तालिमको आयोजना गरिएको स्वास्थ्य शाखा प्रमुख परशुराम श्रेष्ठले जानकारी दिनुभयो । दुई चरण गरी सम्पन्न भएको तालिममा गाउँपालिका भित्रका बाह्रै वटा वडाका स्वास्थ्यकर्मीहरू सहभागी थिए ।
समापन कार्यक्रममा गाउँपालिका अध्यक्ष झम्क नाथ नेपालले पालिकाको स्रोत र साधनले भ्याए सम्म गाउँपालिका भित्रका नागरीकलाई गुणस्तरीय सेवा दिनेगरी काम गर्ने बताउनुभयो । उहाँले सिक्ने र सिकाउने वातावरण बनाउदै समुदायमा घोषण सम्बन्धी ज्ञान तथा जनचेतना फैलाउन आवश्यक रहेको साथै तालिमको उपलब्धीबारे केही समय पछि अनुगमन पनि गर्ने उहाँको भनाई छ ।
गाउँपालिका प्रमुख प्रशासकीय अधिकृत राम प्रसाद शर्माले पोषण र आवश्यक तत्वहरू तथा सुत्केरीलाई आमालाई आवश्यक पर्ने स्यहार सुसार साथै स्वास्थ्यको महत्व बारे जानकारी गराउनुभयो । शर्माले पालिका भित्रको बालबलिका पोषणबारे छोटो जानकारी दिँदै जंङ्फुड निषेध गर्न अनुरोध गर्नुभयो ।
तालिमका बरिष्ठ प्रशिक्षक राम चन्द्र पन्तले तालिममा सिकिएका सिपहरु समुदायमा पुर्याउन सकेमा मात्रै तालिमको औचित्य रहने बताउनु भयो ।
पहिलो चरणमा चैत्र ९ देखि १५ गते सम्म र दोस्रो चरणको तालिम १६ गते देखि सुरु भएको तालिम बुधवार आज सम्पन्न भएको हो । अब छिट्टै पालिका भरिका महिला स्वेमसेविकाहरुलाई ३ दिने पोषण सम्बन्धी आधारभूत तालिम सञ्चालन गरिने बताइएको छ ।
