रेडियो मिसन, मेलम्ची
लायन्स क्लबले मेलम्चीमा आयोजित रक्तदान कार्यक्रममा ७१ जनाले रक्तदान गरेका छन ।
लायन्स क्लब अफ मेलम्चीको आयोजना, मेलम्ची नगर उद्योग वाणिज्य संघ, मेलम्ची ब्याडमिन्टन एकेडेमीको सह आयोजना र मेलम्ची नगरपालिकाको साझेदारीमा रक्तदान कार्यक्रम आयोजना गरिएको हो ।
मेलम्ची बजारमा आज भएको रक्तदानमा स्थानीय, कर्मचारी, सुरक्षाकर्मी र सञ्चारकर्मी सहित ७१ जनाले रक्तदान गरेको लायन्स क्लब अफ मेलम्चीका प्रेसिडेन्ट सुवास बानियाँले जानकारी दिनुभयो ।
कार्यक्रममा उत्तरदाताहरूलाई मेलम्ची नगरपालिकाका नगर प्रमुख आइतमान तामाङ र प्रमुख प्रशासकीय अधिकृत अमृत कुमार धितालले प्रमाणपत्र प्रदान गर्नुभएको थियो ।
