रेडियो मिसन, मेलम्ची ।
विश्व खाद्य कार्यक्रम WFP को प्राविधिक सहयोगमा सञ्चालित स्थानीय कृषि उपजमा आधारित विद्यालय दिवा खाजा परियोजना सम्बन्धी एकदिने अभिमुखीकरण कार्यक्रम मेलम्चीमा सम्पन्न भएको छ ।
मेलम्ची नगरपालिकाका प्रमुख आइतमान तामाङको अध्यक्षतामा भएको कार्यक्रममा दिवा खाजालाई कसरी प्रभावकारी बनाउन सकिन्छ भन्ने विषयमा छलफल भएको नगर प्रमुख तामाङले जानकारी दिनुभयो ।
छलफल कार्यक्रममा उपप्रमुख उमा प्रधान, वडाध्यक्षहरु, विभिन्न विषयगत शाखाका प्रमुख तथा कर्मचारीहरु लगायतको उपस्थिति रहेको थियो । कार्यक्रममा नगर प्रमुख तामाङले स्थानीय स्तरमा उत्पादित खाद्यान्न प्रयोग गर्ने बारे जोड दिनुभयो ।
