रेडियो मिसन, चौतारा ।
मदन भण्डारी फाउन्डेसन सिन्धुपाल्चोकको अध्यक्षमा बालकृष्ण देउजा चयन हुनुभएको छ । चौतारामा भएको तेस्रो जिल्ला अधिवेशनले देउजालाई अध्यक्षमा चयन गरेको हो ।
एमाले उपमहासचिव प्रदीप ज्ञवालीको प्रमुख आतिथ्यतामा भएको अधिवेशनले उपाध्यक्षमा अशोक चौलागाईँ, सचिवमा यज्ञ सापकोटा, कोषाध्यक्षमा चरी बहादुर तामाङ चयन गरेको छ ।
सदस्यहरुमा सुमन श्रेष्ठ, दिलिप बस्नेत, तिलक सापकोटा, सनिश श्रेष्ठ, राजेन्द्र दुलाल,हरिचन्द्र श्रेष्ठ, पुष्प पराजुली, सपना थापा सुकुलाल तामाङ,रोहित दोङ,रिना श्रेष्ठ,सुमन पाण्डे, रामचन्द्र थापा, साधुराम खतिवडा, राजेन्द्र लामा चयन हुनुभएको छ ।
यसअघि फाउण्डेसनको अध्यक्षमा होमनारायण श्रेष्ठ हुनुहुन्थ्यो । उहाँले दस वर्ष अध्यक्षको भूमिका निर्वाह गर्नुभएको थियो ।
