गायन रियालिटी शो ‘नेपाल आइडल’ छैटौं सिजनको विजेता सिन्धुपाल्चोककी गंगा सोनाम बन्नुभ एकाे छ । राजधानीमा आइतबार राति सम्पन्न ग्राण्ड फिनालेमा अन्य ४ प्रतिस्पर्धीलाई पछि पार्दै गंगा विजेता घोषित हुनुभएकाे हाे ।
कार्यक्रम आयोजकका अनुसार विजेतालाई २५ लाख रुपैयाँसहितको उपाधि प्रदान गरिएको छ । यस्तै फस्ट रनरअपलाई १० लाख र सेकेन्ड रनरअपलाई ५ लाख रुपैयाँ प्रदान गरिएको छ ।
फिनालेमा गंगा सोनामसहित दर्शना गान्धारी, अभिनय खाती, मृनल मानन्धर र बबिता थापामगर प्रतिस्पर्धामा रहेका थिए ।
कसले कति पाए ?
पाँचौ विजेता–मृनल मानन्धर, १ लाख रुपैयाँ प्राप्त
चौथो विजेता–अभिनय खाती, १ लाख रुपैयाँ
सेकेण्ड रनरअप (तेस्रो)–दर्शना गान्धारी, ५ लाख रुपैयाँ
फस्ट रअनरअप (दोस्रो)–बबिता थापामगर, १० लाख रुपैयाँ
विजेता–गंगा सोनाम, २५ लाख रुपैयाँ प्राप्त गर्नुभएकाे छ ।
काे हुन त गंगा साेनाम ?
गंगा सोनाम सिन्धुपाल्चोक इन्द्रावती गाउँपालिका–१०, बडहरे की २० वर्षकाे हुनुभयाे। उँहा पिता ध्रुव सोनाम र माता सीता सोनामकी कान्छी सन्तान हुनुहुन्छ । गंगाले गाउँकै चण्डेश्वरी माविबाट कक्षा १२ उत्तीर्ण गर्नुुुभएकाे हाे ।
बाल्यकालदेखि नै सङ्गीतमा रुचि राख्ने गंगा विद्यालयका साङ्गीतिक कार्यक्रममा सक्रिय रहँदै आउनुभएकाे थियाे। उहाँका दाइ दीपेन्द्र सोनम पनि लामो समयदेखि सङ्गीत क्षेत्रमा आबद्ध हुनुहुन्छ। दीपेन्द्रका अनुसार, परिवारमै साङ्गीतिक वातावरण भएकाले गंगाले सङ्गीत क्षेत्रमा सहज रूपमा प्रगति गर्नुुुभएकाे हाे ।
नेपाल आइडलको अडिसनमा उहाँले देउडा गीत ‘डोली चढाई लैजान्या हो सुवा’ गाएर निर्णायकहरूको मन जित्नुभएकाे थियोे । निर्णायक न्ह्यु बज्राचार्य, कालीप्रसाद बाँस्कोटा र इन्दिरा जोशीले उहाँको सुरिलो र मौलिक स्वरको खुलेर प्रशंसा गरेका थिए।
थिएटर राउन्डमा उहाँले ‘साँगुरी बारी नि हो’ गीत गाएर दर्शक र निर्णायकको मन जित्नुभयाे । प्रतियोगिताको क्रममा उहाँका गीत क्लिप्स सामाजिक सञ्जालमा भाइरल भएका थिए। निर्णायक न्ह्यु बज्राचार्यले उहाँलाई चर्चित गायिका रचना रिमालसँग तुलना गर्दै उहाँको स्वरलाई अर्ग्यानिक नेपाली स्वर भएको बताउनुभएको थियो ।
गंगाले प्रतियोगितामा प्रवेश अघि ‘बेलबटम’ गीत गाइसक्नु भएको थियो। अमृत भारतीको शब्द र रामकुमार नेपालीको सङ्गीत रहेको यस गीतमा गंगासहित रामकुमार नेपाली र सञ्चिता नेपालीको स्वर छ।
सिन्धुपाल्चोककी गंगाको अब नेपाली सङ्गीत क्षेत्रमा आफ्नो यात्रा नयाँ उचाइमा पुर्याउने ढोका खुला भएको छ । उसो त सङ्गीतलाई जीवनको लक्ष्य बनाउने उद्देश्यसहित केही महिनाअघि मात्रै गंगा काठमाडौँ प्रवेश गर्नुभएको थियो ।
