नेपाली कांग्रेस सिन्धुपाल्चोकको भातृ संगठन नेपाल तामाङ संघको अध्यक्षमा क्षेत्र बहादुर तामाङ चयन हुनुभएकाे छ । तामाङ इन्द्रावती गाउँपालिका वडा नम्बर ४ का वडाध्यक्ष पनि हुनुहुन्छ ।
बिहीबार जिल्लाको पार्टी कार्यालयमा भएको प्रथम अधिवेशनले तामाङको अध्यक्षतामा कार्यसमिति चयन गरिएको छ। उपाध्यक्षमा वीर बहादुर तामाङ पाख्रिन ,वीर बहादुर स्याङतान, सचिवमा विक्रम बहादुर तामाङ कोषाध्यक्षमा शेर बहादुर तामाङ चयन हुनुभएकाे छ ।
सहसचिवमा भने लाक्पा सागर लामा र तेज बहादुर तामाङ चयन हुँदा सदस्यहरूमा भने सुमित्रा तामाङ ,कामना तामाङ,रेशम बहादुर तामाङ ,सन्तोष तामाङ ,सचिन तामाङ ,राजु तामाङ ,निरज लामा,जमुना तामाङ ,सुकुमाया तामाङ ,पदम ब तामाङ सर्वसम्मत चयन हुनुभएको छ।
कार्यक्रमलाई सम्बोधन गर्दै सिन्धुपाल्चोक जिल्लाका सभापति जंगबहादुर लामाले तामाङ संघ जन्मेको १८ वर्षपछि बल्ल आज अधिवेशन भएकोले यो ऐतिहासिक दिन भएको बताउनुभयाे। तर १८ वर्षसम्म संगठन नबन्दा नेतृत्व विकास नभएकोमा उहाँले दुखेसो समेत पाेख्नुभयाे । तामाङ संघको स्थापनले पार्टीलाई थप उचाइमा पुर्याउने विश्वासका साथ सिन्धुपाल्चोकमा कांग्रेसलाई ८४ को चुनावमा पहिलो र बलियो बनाउन अब भातृ संघ संस्थाहरू जुरमुराएको सभापति लामाले बताउनुभयाे।
कार्यक्रमलाई सम्बोधन गर्दै महासमिति सदस्य एवम् इन्द्रावती गाउँपालिकाका पूर्वअध्यक्ष वंशलाल तामाङले देश विकासमा तामाङहरूको ठूलो भूमिका रहेको बताउँदै सबै जातजाति संवैधानिक अधिकार प्राप्त गर्न भए पनि संगठनमा आबद्ध हुनुपर्ने बताउनुभयाे । नेतृत्व प्राप्त गर्न प्रयास गर्न र एकताबद्ध हुन जरुरी रहेको बताउँदै तामाङहरूले शैक्षिक योग्यताको क्षमतालाई बढाउनुपर्नेमा उहाँले जोड दिनुभयाे।
कार्यक्रमलाई सम्बोधन गर्दै पूर्व जिल्ला सचिव एवम् महाधिवेशन प्रतिनिधि बिल बहादुर तामाङले कार्यक्रममा उपस्थिति उल्लासमय ऊर्जा देख्दा खुशी व्यक्त गर्दै तामाङ संघ गठनले पार्टीलाई थप उचाइमा पुर्याउने विश्वास व्यक्त गर्नुभयाे। लोकतान्त्रिक राज्य व्यवस्था मा सबै जातजातिको समान भूमिका रहने बताउँदै देशमा राजावादीको अराजक गतिविधि प्रति आक्रोश पाेख्नुभयाे ।
नेपाल तामाङ संघका केन्द्रीय सदस्य विश्वकल्याण लामाले तामाङ संघ मण्डलेहरूको संघ नभई लोकतान्त्रिक पद्धतिबाट तामाङ समुदायलाई राजनीतिमा प्रतिनिधि गराउने प्लेटफर्म भएको बताउनुभयाे।
त्यस्तै सिन्धुपाल्चोक आदिवासी जनजाति जिल्ला समन्वय परिषद्का अध्यक्ष थुप्तेन ग्याल्बो लामाले राज्यले तामाङलाइ पेलेको बताउँदै तामाङहरू अझै न्यायपालिका, व्यवस्थापिक र कार्यपालिकामाले प्रतिनिधित्व गर्नुपर्ने जोड दिनुभयाे।
कार्यक्रम लाई सम्बोधन गर्दै तामाङ संघ बागमती प्रदेशका अध्यक्ष बिमल मोक्तानले सिन्धुपाल्चोक जिल्ला तामाङहरूको बाहुल्यता जिल्ला भएको बताउँदै ८४ को निर्वाचनमा तामाङ जातिलाई जिताउन अनुरोध गर्नुभयाे ।
अध्यक्षमा चयन भएपछि संघका अध्यक्ष क्षेत्र बहादुर तामाङले जिम्मेवारी कुशलताको साथ भूमिका निर्वाह गर्ने प्रतिबद्धता जनाउनुभयाे। कांग्रेसलाई मजबुत बनाउन तामाङ संघलाई सक्रिय बनाउने उहाँले प्रतिबद्धता जनाउनुभयाे। तामाङ संघलाई जागरूक बनाउन अग्रसर हुने समेत उहाँकाे भनाइ थियाे ।
