“मर्यादित सहकारी समुन्नत समाज” को मुल नाराका साथ ६८ ओैं राष्ट्रिय सहकारी दिवसको अवसरमा अन्तरक्रिया कार्यक्रम सम्पन्न भएको छ ।
कार्यक्रममा नगर प्रमुख आइतमान तामाङले बचत गर्दा भोलिका दिनमा सजिलो हुने बताउदै सहकारी मापदण्ड अनुसार चल्नु पर्नेमा जोड दिनुभयो । सहकारीको विकासका लागि नगरले सधैं सहयोग गर्ने बताउनुभयो ।
कार्यक्रममा स्वागत गर्दै नगरपालिकाका उपप्रमुख उमा प्रधानले सहकारीमा भएका समस्या , समाधान कसरी गर्ने , कसरी व्यवस्थित गर्ने भन्ने विषयमा छलफल हुने बताउनुभयो ।
सहकारी प्रशिक्षण विभागका प्रशिक्षक नवीन मैनालीले उठेका प्रश्नका जवाफ र स्पष्ट पार्नुभयो । मैनालीले सहकारी, यसका मुल्य मान्यता , इतिहास , यसका समस्या र त्यसको समाधानका उपायबारे जानकारी दिदै मुनाफाको बारेमा समेत जानकारी दिनुभयो ।
नगरपालिकाका प्रशासकीय अधिकृत झपेन्द्रराज खरेलले मेलम्ची नगरपालिकाभित्र रहेका सहकारीको बारेमा जानकारी दिदै मेलम्ची नगरपालिकाको सहकारी ऐन , नगर सहकारी समन्वय समिति गठन भएको बताउनुभयो ।
सहकारीको लागी कृषिबाट मेसिन लगाएत यन्त्र उपकरण अनुदानमा समेत उपलब्ध गराएको र यो वर्ष बाकि रहेको नगरपालिकाका कृषि शाखा प्रमुख अमरनाथ आचार्यले बताउनुभयो ।
बागमती प्रदेश सहकारीका सचिव तथा जिल्ला कृषि सहकारी संघका अध्यक्ष मित्रलाल चाैलागाईले सहकारीको बारेमा स्पष्ट पार्नुभएको थियो । कार्यक्रममा प्रमुख प्रशासकीय अधिकृत निमेष मिश्र लगायतको उपस्तिथि रहेको थियो । कार्यक्रममा मेलम्ची नगरभित्रका सहकारीका सस्थाको अध्यक्ष, प्रतिनिधि लगायतकाे सहभागीता रहेकाे थियाे ।
