रेडियो मिसन ।
इन्द्रावती गाउँपालिका वडा नम्बर ६ मा रहेको कालिका सामुदायिक वनको साधारण सभा तथा अधिवेशन एवं विकल्प पारितको संयुक्त बैठक सम्पन्न भएको छ ।
इन्द्रावती गाउँपालिकाका अध्यक्ष झम्कनाथ नेपाल, उपाध्यक्ष शोभाना तामाङ, प्रवक्ता तथा वडा नम्बर ५ का अध्यक्ष शशीनाथ आचार्य, वडा नम्बर ६ का अध्यक्ष इन्द्रबहादुर तामाङ, वडा नम्बर ४ का अध्यक्ष क्षेत्रबहादुर तामाङ, वडा नम्बर ९ का अध्यक्ष बाबुराम लामा, वडा नम्बर ८ का अध्यक्ष दिलबहादुर श्रेष्ठ, अध्यक्षका राजनितिक सल्लहाकार डाल बहादुर सापकोटा, कार्यपालिका सदस्यहरू, वडा सदस्यहरू, निर्वाचित जनप्रतिनिधिहरू, इलाका बन कार्यलय नवलपुरका प्रतिनिधी, प्राकृतिक स्रोत द्वन्द रूपान्तरण केन्द्र नेपालका स्रोत व्यक्ति नेत्र धिताल र सहजकर्ता टिका सुवेदी लगायत माकुरा समूहका सदस्यहरू बन उपभोक्ताहरु लगायतको उपस्थितिमा कार्यक्रम सम्पन्न भएको हो । बन उपभोक्ताहरु र कार्यसमिती बिचको करिब दुई दशक लामो विवाद सुल्झाउँदै वनले नयाँ कार्यसमिति पनि चयन गरेको छ । वन उपभोक्ता समिति र कार्यसमिति बीचको विवादलाई टुङ्ग्याउँदै कार्यक्रमले ऐतिहासिक सफलता हाँसिल गरेको वन उपभोक्ता कार्यसमितिका निवर्तमान अध्यक्ष सुजित तामाङले बताउनुभएको छ ।
कार्यक्रमको अवसरमा आफनो भनाई राख्दै प्रमुख अतिथी इन्द्रावती गाउँपालिकाका अध्यक्ष झम्कनाथ नेपालले समस्या ग्रस्त अवस्थामा रहेको सामुदायिक वनलाई निकास दिँदै एउटा प्रतिस्पर्धी सामुदायिक वन उपभोक्ता समूहको रुपमा अगाडि बढाउनुपर्छ भन्ने मान्यता र दृष्टिकोणको आधारमा अधि बढ्न सुभाव दिनुभयो । गाउँपालिकामा झन्डै पाँच दर्जन सामुदायिक वन उपभोक्ता समूहहरू रहेको बताउँदै आगामी दिनमा यो पाँच दर्जन सामुदायिक वन उपभोक्ता समूहहरु मध्ये एउटा उत्कृष्ट सामुदायिक वन उपभोक्ता समूहको रुपमा स्थापित गर्ने गरी काम गर्ने बिश्वास ब्यक्त गर्नुभयो । बन ऐन २०७४ ले पनि सामुदायिक वन निजी वनका सन्दर्भमा स्थानीय सरकारलाई जिम्मेवारी र दायित्व सुम्पेको बताउँदै स्थानीय सरकारले पाएको जिम्मेवारी र दायित्वलाई इन्द्रावती गाउँपालिकामा कुशलतापूर्वक सम्पन्न गर्नुपर्छ भन्ने एउटा योजनाका साथ हामी अगाडि बढिरहेको बताउँदै आगामी दिनमा गाउँपालिका भित्रका सबै सामुदायिक वन उपभोक्ता समूहका अध्यक्ष अध्यक्षहरूको हामी भेला राखी समस्याहरुलाई संकलन गरी समाधान गर्नको निमित्त हामीले के भूमिका निर्वाह गर्नुपर्छ त्यो भूमिका निर्वाह गर्नको निमित्त पनि हामी तयार र तत्पर रहेको प्रतिबद्धता ब्यक्त गर्नुभयो ।
गाउँपालिका उपाध्यक्ष तथा न्यायिक समिति संयोजक शोभानाथ तामाङले बिगतमा यही बनमा वनमा घाँस दाउरा गर्दाको क्षण स्मरण गर्दै हरियो वन नेपालको धन भन्ने कुरालाई यथार्थमा परिणत गर्न अब बन्ने समितिले सक्नुपर्नेमा जोड दिनुभयो । साथै नयाँ बन्ने समितिलाई सफल कार्यकालको शुभकामना पनि दिनुभयो ।
इन्द्रावती गाउँपालिकाका प्रवक्ता तथा वडा नं ५ का अध्यक्ष शशीनाथ आचार्यले लामो समयपछि यस वनले संस्थागत गतिविधिको नियमितता पाएको बताउँदै यसले खुसी लागेको बताउनुभयो । साथै यस सभाले पारित गरेको हरेक सहमतिलाई व्यवहारमा उतार्न पनि आग्रह गर्नुभयो । गाउँपालिकाभरि ५७ सामुदायिक वन उपभोक्ता समूह रहेको र वनहरुले अब आय आर्जनसँग जोड्ने काम गर्नुपर्ने बताउँदै वनमा जडीबुटी, बिरुवा, फलफुल खेती गरेर उद्यम व्यवसाय गर्न सकिने कार्य योजना बनाएर त्यस अनुसार अघि बढ्न र नमुना बन्न पर्नेमा जोड दिनुभयो ।
इन्द्रावती गाउँपालिका वडा नम्बर ६ का अध्यक्ष इन्द्रबहादुर तामाङले बनको लामो समयदेखिको बिबाद समाधान हुनु यो एउटा ऐतिहासिक सफलता रहेको बताउँदै अथक प्रयासले यो समस्या समाधान गर्न सफल भएको र निकास पाएको अबको दिनमा वनले सेवा सुविधा र उपभोक्तामा टेवा पुग्ने हिसाबले काम गर्ने विश्वास व्यक्त गर्नुभयो ।
न्यायिक समिति सदस्य तथा इन्द्रावती गाउँपालिका वडा नम्बर ४ का अध्यक्ष क्षेत्र बहादुर तामाङले पालिकामा रहेका निष्क्रिय वनहरूलाई चलायमान बनाउन वन कार्यालयसँग समन्वय गरी आर्थिक उन्नतिको पाटोसँग जोड्न सहजीकरण गर्नुपर्नेमा जोड दिनुभयो ।
साथै वडा नम्बर ९ का अध्यक्ष बाबुराम लामाले गाउँपालिका भरिकै नमुना बन हुने गरी कार्य गर्न सुझाव दिनुभयो ।
कार्यक्रममा समितीका तत्कालिन सचिव असोक तामाङले बनको आर्थिक गतिबिधी प्रस्तुत गर्नुभएको थियो ।
त्यस्तै प्राकृतिक श्रोत द्वन्द्व रुपान्तरण केन्द्र, नेपालले संचालन गरेको बहुसरोकार द्वन्द्व रुपान्तरण अभियान अन्तर्गत कालिका सामुदायिक वन उपभोक्ता समुहको आर्थिक गतिवीधि तथा सिमाना सम्वन्धी द्वन्द्व रुपान्तरणको क्रममा माकुरा समुहको क्षमता विकास तथा नेतृत्व हस्तान्तरण तालिममा सहभागी र त्यस पश्चात माकुरा समुहमा रहिसहजिकरण गरेकाहरुलाई प्रमाण–पत्र प्रदान गरिएको छ ।
अधिवेशनले नयाँ कार्यसमिति पनि चयन गरेको छ । डीपबहादुर तामाङको अध्यक्षतामा ९ सदस्यिय नयाँ कार्यसमिति चयन गरेको हो । समितिको उपाध्यक्षमा सञ्चमाया तामाङ, सचिवमा बलबहादुर तामाङ, कोषाध्यक्षमा सम्झना श्रेष्ठ, सदस्यहरूमा फुलमाया तामाङ, रामबहादुर सार्की, मैया बोगटी, मिना तामाङ र रामजी श्रेष्ठ रहनुभएको छ ।
त्यस्तै बन समुहका आर्थिक गतिवधि तथा सिमाना सम्वन्धी द्वन्द्व रुपान्तरणका लागी बुँदागत सहमती पत्र तयार गरी हस्ताक्षर समेत गरिएको छ ।
सहमती पत्रमा निम्न बुँदाहरु समेटिका छन् :-
कालिका सामुदायिक वन उपभोक्ता समुहको विगत देखि हाल सम्मको सम्पुर्ण गतिवीधि उपभोक्ताहरुलाई जानकारी गराई प्रत्यक टोल टोलमा आर्थिक विवरण टाँस गरी सम्पूर्ण उपभोक्ताहरु लाई जानकारी गराउने ।
लामो समय देखि हुन नसकेको साधारण सभा मिति २०८१ भदौं २७ गते हुने पारितको संयुक्त वैठककै दिन वन समुहको साधारण सभा तथा अधिवेशन गर्ने ।
कालिका सामुदायिक वन उपभोक्ता समुहको विधान तथा कार्ययोजना सबै उपभोक्ताहरुलाई जानकारी गराउन नयाँ वन्ने कार्यसमितिले प्रत्येक टोलमा सचेतना कार्यक्रम मिति २०८१ मंसिर मसन्ता भित्र संचालन गर्ने ।
कालिका सामुदायिक वन उपभोक्ता समुहको आर्थिक तथा कार्यालयका गतिवीधि संचालन गर्दा नगदी रसिद, अनुमतिपत्र, परिचयपत्रहरुको अनिवार्य व्यवस्था गरी प्रयोगमा ल्याउने र आवश्यकता अनुसार श्रेस्ता राखि अभिलेखीकरण गर्ने ।
कालिका सामुदायिक वन उपभोक्ता समुहको कार्ययोजना अनुसार वनको संरक्षण, सम्वद्धन र व्यवस्थापन गर्दै सामुदायिक वनको सिमाना एकिन गर्ने । सिमाना एकिन गर्न ५ सदस्यीय सत्य, तथ्य आयोग गठन गरी गाउँपालिका, वडा कार्यालय र वन कार्यलयको सहयोग लिई मिति २०८१ माघ मसन्ता भित्र सिमाना एकिन गरिसक्ने ।
सिमाना एकिन गर्दा नापि नक्शाका आधारमा गरीने छ ।
उपभोक्ताहरुले वन समुहमा वुझाउन पर्ने बार्षिक शुल्क आर्थिक वर्ष २०८०१८१ देखि मात्र बुझाउने, आफुले बुझाउनु पर्ने शुल्क मिति २०८१ मंसिर मसन्ता भित्र सबैले बुझउने ।
विगतमा भएका गतिवीधिको समिक्षा गर्दै अगमी दिनमा एक अर्का प्रति सम्मानपुर्वक व्यवहार गर्दै सकरात्मक ढंगबाट अगाडी बढ्ने ।
माथी उल्लेखित बुदाँहरु निर्धारित समय सिमा भित्र कार्यन्वयन गर्न गराउन हामी सबै पक्षले इमान्दारिताका साथ लागी पर्ने छौं, अन्यथा भएमा यसै सहमती पत्रका आधारमा कानुनि कार्वाहि भएमा मञ्जुरी छौं ।
