रेडियो मिसन ।
हिन्दु महिलाहरुको महान चाड तिज आजबाट सुरु भएको छ । आज दर खाएर मनाइँदै छ भने शुक्रबार ब्रत बस्नुपर्ने भएकाले अघिल्लो दिन बेलुकी दर खाने परम्परा छ । दरलाई तीजको व्रतको ‘पूर्वतयारी’को रूपमा पनि लिइन्छ । ब्रत बसेका महिलाहरु भोलीको दिनमा बिभिन्न मठ मन्दिर तथा बिशेष स्थानमा जम्मा भई नाचगान र रमाइलो गर्ने गर्दछ ।
यसै अवसरमा ईन्द्रावती गाउँपालिकाकै केन्द्र भागमा अवस्थित ऐसेलुखर्क स्थित रणनैनेश्वर महादेवको मन्दिर परिसरमा पनि भब्य मेला लाग्ने गरेको छ । यस अवसरमा दर्शनार्थीहरुको सुविधालाई मध्यनजर गरि ईन्द्रावती गाउँपालिकाले मन्दिर परिसरमा निशुल्क स्वास्थ्य जाँच शिविर तथा ओैषधी वितरण गर्ने भएको छ ।
नवरपुर प्राथमिक अस्पतालका स्वास्थ्य कर्मीहरुबाट सहभागीहरु तथा स्वास्थ्य समस्या भएका दर्शनार्थीहरुको निशुल्क स्वास्थ्य जाँच तथा औषधी वितरण गर्ने गाउँपालिकाका प्रवक्ता तथा वडा नम्बर ५ का अध्यक्ष शशिनाथ आचार्यले जनाकारी दिनुभयो । साथै गाउँपालिकाकले सहभागीहरुका लागी निःशुल्क खानेपानीको प्रवन्ध गर्नुका साथै हेल्प डेस्कको पनि ब्यवस्था गरिएको बताउउँदै ढुक्कसँग मेलामा सहभागी हुन सम्पुर्ण ईन्द्रावतीबासीहरुलाई अनुरोध गरिएको छ ।
मेलालाई रमाइलो बनाउन र परम्परागत संस्कृतिको जगेर्ना गर्नका लागी सबैलाई रणनैनेश्वर मेला भरी आन्तरिक पर्यटन प्रवर्द्धन गर्न पनि प्रवक्ता आचार्यले आह्वान गर्नुभएको छ ।
