रेडियो मिसन १०५.३ मेगाहर्ज आजबाट स्थापनाको ४ बर्ष पुरा गरि पाँचौँ बर्षमा प्रवेस गरेको छ । मुलुक सँघियतामा गए पश्चात प्रदेश सरकार मातहतबाट स्वीकृती पाउने नेपालकै पहीलो सामुदायीक रेडियो, रेडियो मिसन १०५ थोप्लो ३ मेगाहर्ज सिन्धुपाल्चोक जिल्लाको नवलपुरबाट प्रशारण भईरहेको छ ।
ग्रामिण क्षेत्रमा सुचनाको पहुँचबाट टाढा रहेका नागरिकहरुलाई ताजा, सहि र निष्पक्ष समचार प्रवाह गर्ने उदेश्यले २०७७ साउन १२ गतेबाट रेडियो सञ्चालनमा रहेको अध्यक्ष सन्तोष सिग्देलले जानकारी दिनुभयो ।
मिसन नेपाल सिन्धुपाल्चोकद्धारा संचालित सामुदायीक रेडियो, रेडियो मिसन सिन्धुपाल्चोक लगायत अन्य १६ वटा जिल्लाहरुमा प्रशारण हुदैँ आएको छ । छोटो समयमा पनि श्रोताको पहिलो रोजाईमा रहेको अध्यक्ष सन्तोष सिग्देलले बताउनभयो । रेडियोले श्रोतामाझ सुचनामुलक साथै मनोरन्जनात्मक सामाग्रिहरु उत्पादन तथा प्रशारण गरीरहेको अध्यक्ष सिग्देलले बताउनुभयो ।
प्राकृतिक बिपत्तिका घटनाको बेला, कोरोना संक्रमण तथा मेलम्ची बाढीको समयमा सुचनाको माध्यमबाट रेडियोले नागरिकहरुमा जनचेतना जगाउन महत्वपुर्ण भुमिका निभाएको रेडियोका अध्यक्ष सिग्देलले बताउनुभयो ।
साथै रेडियोलाई हरेक तहबाट समाचार, सूचना, जानकारीका साथै विज्ञापनदाता, श्रोता र रेडियो सञ्चालन गर्नको लागि आर्थिक, भौतिक, नैतिक हिसाबले सहयोग गर्ने सहयोगी दाताहरुलाई धन्यवाद ज्ञापन गर्दै सदैव यस्तै सहयोगको अपेक्षा समेत गरेको अध्यक्ष सिग्देलले बताउनुभयो ।
सिन्धुपाल्चोक जिल्लाको ईन्द्रावती गाँउपालिका वडा नम्बर ५ बाट प्रसारणमा रहेको रेडियो फ्रीक्वेन्सीमा १०५ थोप्लो ३ मेगाहर्ज, मोबाइल एप्लिकेसन हाम्रो पात्रो, , र रेडियो मिसनकोे फेसबुक पेजबाट संसारभर एक साथ समाचार पढ्न, हेर्न र सुन्न सकिने अध्यक्ष सिग्देलले बताउनुभयो ।
