रेडियो मिसन, मेलम्ची ।
मेलम्ची नगरपालिका वडा नम्बर १२ को वडा कार्यालय भवनको शिलान्यास गरिएको छ । भवनको आज नगरप्रमुख आइतमान तामाङले शिलन्यास गर्नुभएको हो । भवनको शिलान्यास गर्दै प्रमुख तामाङले तोकिएकै समयमा भवन निर्माण सम्पन्न गर्न निर्देशन दिनुभयो । साथै अब बन्ने हरेक संरचना बाल मैत्री तथा अपाङ्गमैत्री बन्नुपर्ने बताउँदै यसलाई ख्याल राखेर निर्माण गर्न पनि अनुरोध गर्नुभयो ।
ठेक्का मार्फत निर्माण हुन लागेको प्रशासनिक भवनको शिलान्यास कार्यक्रममा उपप्रमुख उमा प्रधान, प्रमुख प्रशासकिय अधिकृत निमेष मिश्र, वडाध्यक्ष गणेश बहादुर तामाङ, लेखा अधिकृत मुरारी पुडासैनी, योजना अधिकृत रामकुमार केसी विभिन्न राजनीतिक दलका प्रतिनिधि लगायतको उपस्थिति रहेको थियो ।
२ करोड ८५ लाख लागतमा जुगल हिमशिखर/केदार निर्माण सेवा जिभिले ठेक्का पाएको उक्त भवन १८ महिना भित्र सम्पन्न गरिने गरि सम्झौता भएको छ ।
