हेलम्बु
बाढी प्रभावित क्षेत्रमा सरकारी उपस्थिति बलियाे देखिएकाे नेकपा एमालेका नेता हस्त पण्डितले बताउनुभएकाे छ ।
सरकारी उपस्थिति बलियाे देखिएसंगै हेलम्बु मेलम्ची क्षेत्रमा अब काम हुनेमा विश्वास लागेकाे पण्डितले बताउनुभयाे । सामाजिक सञ्जाल फेसबुकमा एक स्टाटस पाेष्ट गर्दै उहाँले भन्नुभयाे “नदिमा जमेर बसेका ठाउँहरुको गिट्टी ढुङ्गा बगाउने र सम्भावित कटान हुने ठाउँहरुको पहिचान गरि जाली लगाउने काम निरन्तर हुने बिश्वास गर्दछु” ।
बाढी प्रभावित क्षेत्रमा नेपाल सरकारका स्वास्थ्य तथा जनसंख्या मन्त्री माेहन बहादुर बस्नेतले शनिवार निरीक्षण गर्नुभएकाे थियाे । बागमती प्रदेश सांसद कृष्ण कुमार तामाङ, हेलम्बु गाउँपालिका अध्यक्ष निमा ग्याल्जेन शेर्पा, उपाध्यक्ष अप्सरा लामिछाने, नेपाली सेना, नेपाल प्रहरी, सशस्त्र प्रहरी लगायतकाे बाक्लाे उपस्थितिमा सम्भावित कटान हुने ठाउँहरुको पहिचान गरि जाली लगाउने काम भइरहेकाे छ ।
आज यसै क्षेत्र बाट निर्वाचित संघिय सांसद, प्रदेश सांसद, स्थानिय तहका जनप्रतिनिधिहरू खाेलामा पसी एकसाथ बस्ती तथा सार्वजनिक संरचना जाेगाउन लागेकाे देखेपछि पण्डितले साे प्रतिकृया दिनुभएकाे हाे । पण्डित नेकपा एमालेकाे तर्फबाट प्रदेशसभा सदस्यका लागी प्रत्यासी हुनुहुन्थ्याे । पण्डितले यसअघि पनि हेलम्बु मेलम्ची क्षेत्रमा सम्भावित बाढीले क्षति पुर्याउने ठाउँकाे संरक्षणकाे लागि अपिल गर्दै आउनुभएकाे छ ।
