रेडियो मिसन, मेलम्ची ।
इन्द्रावती बहुमुखी क्याम्पस सञ्चालक समितिको अध्यक्षमा सिपी दुलाल चयन हुनुभएको छ । आज भएको पाँचौ क्याम्पस सभा तथा अधिवेशन बाट दुलालको नेतृत्वमा ७ सदस्यीय समिति निर्वाचित भएको क्याम्पस प्रमुख राधाकृष्ण श्रेष्ठले जानकारी दिनुभयो । समितिको उपाध्यक्षमा एकलाल श्रेष्ठ,कोषाध्यक्षमा सञ्चमाया तामाङ, सदस्यहरुमा विश्वनाथ आचार्य, भक्तबहादुर खड्का,रामशरण महरा र कल्पना चालिसे चयन हुनुभएको श्रेष्ठले बताउनुभयो ।
नवनिर्वाचित अध्यक्ष दुलालले क्याम्पस सुधारका लागि आफुले सबै निकाय सँग समन्वय गर्दै अगाडि बढ्ने बताउनुभयो । उहाँले आगामी दिनमा सबैको साथ,सहयोगको अपेक्षा रहेको बताउँदै क्याम्पसलाई नयाँढंग बाट अगाडी बढाउने बताउनुभयो । उहाँले राजनितिक पूर्वाग्रह नराखी सामाजिक कार्यको लागी हातेमालो गर्दै अगाडी बढ्ने प्रतिबद्धता जनाउनुभयो ।
अध्यक्ष दुलालले आफैंले अध्ययन गरेको क्याम्पको अध्यक्ष हुन पाउँदा खुशि लागेको बताउँदै खुशि सँगसँगै जिम्मेवारी र चुनौती थपिएको अनुभूती गरेको बताउनुभयो । उहाँले आफुले विगतदेखि नै क्याम्पसको शैक्षिक तथा भौतिक विकासको लागि सहयोग गर्दै आएको उल्लेख गर्दै क्याम्पसमा परिक्षा केन्द्र ल्याउने, विद्यार्थी भर्ना बढाउने, क्याम्पस अध्यापकहरुको समस्या समाधान गर्ने,चालु र पुँजीगत खर्च गर्नेगरी कार्यक्रम ल्याउने बताउनुभयो ।
