सिन्धुपाल्चोकको मेलम्चीमा बहुउद्देश्यीय कभर्डहल बन्ने भएको छ । मेलम्ची नगरपालिका ११ मा विभिन्न खेल खेल्न मिल्ने बहुउद्देश्यीय कभर्डहल बन्ने भएको हो ।
कभर्डहलको आज (शनिवार) मेलम्ची नगरपालिकाका प्रमुख आइतमान तामाङले शिलान्यास गर्नुभएकाे हाे। १ करोड ८० लाखमा ठेक्का आह्वान भएको कभर्डहल निमार्णको लागि दोबिबि निर्माण सेवाले १ करोडमा ठेक्का पाएको छ ।
नगर प्रमुख तामाङले खेलकूदबाट समाजलाई स्वस्थ र अनुशासित बनाउनु पर्नेमा जोड दिनुभयो । उहाँले कभर्डहल नगरको गौरवको आयोजना भएकोले समयमै गुणस्तरीय तरिकाले हलको निमार्ण गर्नका लागि निमार्णपक्ष लाई आग्रह गर्नुभयो ।
कर्भडहल शिलन्यास कार्यक्रममा स्थानिय खेलप्रेमीहरुको उपस्थिती रहेको थियो । कभर्डहल २०८१ असार सम्म निमार्ण सम्मन्न गरिसक्नु पर्ने सम्झौतामा उल्लेख छ ।
