रेडियो मिसन ।
मेलम्ची नगरपालिका वडा नं ४ पिप्ले स्थित मंगोल पशुपालन तथा कृषि फर्ममा आगलागी भएको छ । आगलागीबाट लाखौँको क्षति भएको छ ।
मेलम्ची ४ का विशाल तामाङले सञ्चालन गर्दै आएको फर्ममा आगलागी भएको हो । राती अन्दाजी २ बजे आगलागीको घटना भएको इलाका प्रहरी कार्यालय मेलम्चीका प्रहरी निरिक्षक राजेन्द्र थापामगरले जानकारी दिनुभयो ।
काठ र जस्ताले बनेको २ तले फर्ममा आगलागी हुँदा त्यहाँ रहेको एउटा भैंसी मरेको छ । २ भैंसी र १ पाडा गम्भीर घाइते भएको प्रहरीको भनाई छ ।
राति २ बजे तिर व्यापक आगलागी भइ धनमाल र पशु चौपाया लगायत पुर्ण क्षती भएको छु, स्थानिय सिर्जना घिमिरेले भन्नुभयो । स्थानीय, मध्यपहाडी लोकमार्गका कर्मचारी र APF को सहयोगमा आगलागी नियन्त्रण गरि मानविय तथा थप क्षती हुन बाट जोगिएको स्थानियले बताएका छन ।
करेन्ट सर्ट भइ आगलागी भएको प्रहरीको अनुमान छ । आगलागी बाट भएको क्षतिको यकिन विवरण संकलन गर्ने क्रम जारी रहेको प्रहरीको भनाई छ ।
