रेडियो मिसन, नवलपुर ।
इन्द्रावती गाउँपालिका वडा नं. ८, ज्यामिरेमानेको सार्वजनिक क्षेत्रहरुमा सिसिटिभी क्यामेरा जडान गरिएको छ ।
वडाबाट विनियोजित बजेट दुई लाखमा सोमवार क्यामेरा जडान गरिएको हो । ज्यामिरेमानेको मुख्य सडक क्षेत्र, वडा कार्यालय, स्वास्थ्य चौकी तथा विद्यालयहरुमा क्यामेरा जडान गरिएको वडा अध्यक्ष दिलबहादुर श्रेष्ठले जानकारी दिनुभयो ।
आगामी आर्थिक वर्षमा वडाका टोलवस्ती र सम्पूणर् सार्वजनिक स्थलहरुमा समेत क्यामेरा जडान कार्यलाई निरन्तरता दिने श्रेष्ठले बताउनुभयो ।
क्यामेराको निगरानीले विद्यालयका शिक्षक र विद्यार्थी अनुशासित हुने पञ्चकन्या आधारभूत विद्यालयका प्रधानाध्यापक ध्रुवप्रसाद सिग्देलको भनाइ छ ।
